Video
Read full review
2023-09-30
215 views
其實都冇乜特別慶祝活動都係普通食飯啫，不過之前有個小插曲明明佢問我：你今晚有咩節目呀？咁佢嘅意思好明顯啦即係佢都冇諗住約母，咁我咪話返屋企囉，點知仲俾人惡返轉頭話我唔好咁敏感🫠最終我又係面皮幾呎厚都係同返佢食飯，仲要我死入去東涌😵💫 雖然佢每次都要車返我出嚟（其實講嚟講去我都覺得佢好辛苦，同時我又無謂，大家嘥車錢同油錢🤔）而家佢屋企附近嘅餐廳逐間試，之前試咗韓國嘢，今次就試隔籬嗰間泰國/越南/印尼fusion嘢。個樣就好似好正宗咁，我哋叫咗沙嗲串燒,柚子蝦沙律，雞薄餅同埋咖喱雞button chicken 沙嗲串燒其中最好食係串燒豬肉，牛肉就太過鞋口，雞就一般般，個沙嗲醬好重花生醬味甜甜地柚子沙律算係最出色夠清新又新鮮，因為其他都係濃味嘅嘢食。雞薄餅就係印度薄餅夾咗一啲雞肉響入面印度薄餅甜甜地加埋入面雞肉少少辣辣地都OK button Chicken就偏辣其實冇乜特別，只係本身諗住薄餅冇醬汁點，所以專登嗌多個咖喱！早知唔使叫，又係雞😵💫食泰式嘢點可以唔叫椰青？另外嗌咗杯有Ginger ale嘅嘢飲 根本就係Ginger ale 🤭
最終我又係面皮幾呎厚都係同返佢食飯，仲要我死入去東涌😵💫 雖然佢每次都要車返我出嚟（其實講嚟講去我都覺得佢好辛苦，同時我又無謂，大家嘥車錢同油錢🤔）
而家佢屋企附近嘅餐廳逐間試，之前試咗韓國嘢，今次就試隔籬嗰間泰國/越南/印尼fusion嘢。
個樣就好似好正宗咁，我哋叫咗沙嗲串燒,
柚子蝦沙律，雞薄餅同埋咖喱雞button chicken
沙嗲串燒其中最好食係串燒豬肉，牛肉就太過鞋口，雞就一般般，個沙嗲醬好重花生醬味甜甜地
柚子沙律算係最出色夠清新又新鮮，因為其他都係濃味嘅嘢食。
雞薄餅就係印度薄餅夾咗一啲雞肉響入面印度薄餅甜甜地加埋入面雞肉少少辣辣地都OK
button Chicken就偏辣其實冇乜特別，只係本身諗住薄餅冇醬汁點，所以專登嗌多個咖喱！早知唔使叫，又係雞😵💫
食泰式嘢點可以唔叫椰青？另外嗌咗杯有Ginger ale嘅嘢飲 根本就係Ginger ale 🤭
柚子蝦沙律
13 views
0 likes
0 comments
Butter chicken
12 views
0 likes
0 comments
Post
