Video
Read full review
2023-03-13
186 views
呢間銅鑼灣嘅居酒屋串燒整得相當唔錯，基本上冇一樣嘢係唔好食。開胃菜生野菜沙律，有椰菜，甘荀同白蘿蔔，雖然係生嘅但夾味噌醬一齊食個味道都好配合，食到菜嘅新鮮感覺之餘又有啲惹味。鹽燒蟶子嘅鹹度岩岩好，香口得嚟都不失鮮味。之後嚟三個串燒，分別係牛心管；牛骨髓；雞肝。牛心管口感煙韌又爽口，牛骨髓就有好rich嘅牛骨香，好似食蟹膏蝦膏咁；雞肝味道都唔錯。之後有燒雞翼，拆好咗骨容易食，皮脆肉嫩，十分好。之後有橫格肌4食，分別有黑燒、蜜糖芥辣、wasabi同埋蒜香。黑燒有濃郁嘅黑芝麻味幾特別；蜜糖芥辣唔算辣，甜甜地都唔錯；wasabi味道就有啲強烈，未必人人都啱；蒜香最夾牛肉味。另外又有明太子同咸牛肉燒飯團，兩個都係外層燒得好夠香脆，個人鍾意咸牛肉多啲。最後有牛沙瓜，店員介紹係牛嘅第四個胃。食落有啲位嫩滑，有啲位煙韌，味道都係牛肚咁，但香濃好多。居酒屋當然要飲下酒，分別試咗Suntory Draft啤酒同無花果酒。無花果酒香甜，易入口；啤酒味道幾清，好日本嘅風格。
開胃菜生野菜沙律，有椰菜，甘荀同白蘿蔔，雖然係生嘅但夾味噌醬一齊食個味道都好配合，食到菜嘅新鮮感覺之餘又有啲惹味。
鹽燒蟶子嘅鹹度岩岩好，香口得嚟都不失鮮味。
之後嚟三個串燒，分別係牛心管；牛骨髓；雞肝。牛心管口感煙韌又爽口，牛骨髓就有好rich嘅牛骨香，好似食蟹膏蝦膏咁；雞肝味道都唔錯。
之後有燒雞翼，拆好咗骨容易食，皮脆肉嫩，十分好。
之後有橫格肌4食，分別有黑燒、蜜糖芥辣、wasabi同埋蒜香。黑燒有濃郁嘅黑芝麻味幾特別；蜜糖芥辣唔算辣，甜甜地都唔錯；wasabi味道就有啲強烈，未必人人都啱；蒜香最夾牛肉味。
另外又有明太子同咸牛肉燒飯團，兩個都係外層燒得好夠香脆，個人鍾意咸牛肉多啲。
最後有牛沙瓜，店員介紹係牛嘅第四個胃。食落有啲位嫩滑，有啲位煙韌，味道都係牛肚咁，但香濃好多。
居酒屋當然要飲下酒，分別試咗Suntory Draft啤酒同無花果酒。無花果酒香甜，易入口；啤酒味道幾清，好日本嘅風格。
Post
