大山日本料理

Open Now

Now Closed

最近轉咗工，九龍區返工點能夠唔搵吓九龍區有咩食，今日收工就約咗男朋友係旺角等，再行下睇下食乜野。行咗一陣就發現兆萬中心嘅對面開咗一間新嘅日本嘢，鍾意試新野嘅我哋梗係要去試吓啦打開Menu之後發現，價錢相當相宜，令我不禁懷疑🤔會唔會唔好食㗎？不過結果令我刮目相看😍食物不單止好食而且服務都好好帶子刺身 $68嚟到食日本菜，又點可以唔食刺身呢，呢個帶子刺身粒粒都好大隻，肉身極富彈性，味道鮮味甘甜，鮮味濃郁。室津生蠔 $78/2隻生蠔肉厚肥美，配左少少青檸汁，好醒胃，而且$78可以有咁既質素，我個人認為好值得一試。手打冷烏冬 $58真係手打嘅冷烏冬買少見少，如果再加埋生嘅鵪鶉蛋就仲少見，今日食呢個烏冬，係我近年見過最有誠意，不論喺配料上面，定係烏冬嘅質感，都做得好好。鹽燒厚切牛舌串 $38牛舌夠晒厚身，又爽口又有口感，呢度燒既牛舌，肉嫩多汁，超級好味，火喉真係岩岩好，呢間鋪燒既串燒真係唔錯！雞翼串燒 $28不論調味定肉質，都非常咁好，唔會太咸，食落又唔會乾爭爭，值得一試。