丼燃食堂

Open Now

Now Closed

餐廳內位置不多，環境唔算好優雅，不過勝在特別。叫左好多野食，第一樣黎既係金龍卷，HKD 68。侍應哥哥仔一點火，佢起碼燒咗成分鐘，可以慢慢影相，效果好靚，打卡之選。味道方面，因為比火燒完，入口仲係熱辣辣。唔需求點豉油，因為佢原本有汁，上面又有沙律醬，本身都咸咸地好夠味。之後，主食，叫左一個激突三文魚丼，HKD 138。有三片三文魚、三片三文魚腩、三隻蝦、帶子一粒、魚子，算係好豐富。第二個係乜蟹都有丼，HKD 128。呢款可以自選汁，我選左芝士蟹子，所以上面會有蟹子。有蟹鉗二個、好多蟹柳、蟹膏。個人認為性價比冇第一個咁高，不過都好食。小食，三件炸雞 HKD 28，兩件炸蠔 HKD 22，幾好食。小食，炸三文魚鰭，HKD 22，呢個價錢有咁大舊好抵食！上面既芥末醬有d多此一舉，冇好食啲。叫埋野飲同加一之後，埋單一共HKD 463。不過，每一樣野望落都唔貴，但份量不多，男士好大機會唔飽，因為我地食完之後都馬上搵甜品食飽肚了。