Video
Read full review
2020-05-28
33 views
疫情幾個月以來都冇打邊爐，以前一到冬天每個星期都會去一次打邊爐，但而家就算我想打都無朋友陪我，上網無意中發現呢間火鍋有午餐，最正係有一人邊爐，咁就夠曬衛生啦，實在太令人興奮。12.30pm上去餐廳諗住都唔會有人晏晝打邊爐, 所以完全無book枱，點知去到見到竟然差不多全場滿座, 好彩我早少少先至可以食到。餐廳走中高價路線，環境舒服，全部用電話落單，幾十蚊一個午餐咋，午餐食真係好抵。一人份量剛好，套餐內有肥牛、菜、蝦、丸同烏東。另外見到佢做緊聖子優惠，$39唔係唔點嘛？！我自己一個人食，要左半打試一試。美國肥牛滾十幾秒就食得，好重牛味，好味啊，可惜午餐只有3塊，對於牛魔王的我實在唔太夠。$39聖子唔好以為平野無好，原來好大隻架，入口超鮮甜，好肥美，咬一啖爆曬汁，真心好味，絕對要點。另外大蝦同樣有成隻手掌咁長，入口彈牙鮮味，配埋稻庭烏東，好開心的一餐海鮮邊爐午餐啊。我實在太鐘意食海鮮，而呢度好多野都可以點半份，珊瑚蚌都有半份，我一個人ko佢完全無難度，好爽口好甜啊！因為今日喉嚨痛所以點左清湯，同場聞到人地d麻辣湯底實在好香好吸引，lunch都有得點，下次我的目標就係佢啦，yeah
12.30pm上去餐廳諗住都唔會有人晏晝打邊爐, 所以完全無book枱，點知去到見到竟然差不多全場滿座, 好彩我早少少先至可以食到。餐廳走中高價路線，環境舒服，全部用電話落單，幾十蚊一個午餐咋，午餐食真係好抵。
一人份量剛好，套餐內有肥牛、菜、蝦、丸同烏東。另外見到佢做緊聖子優惠，$39唔係唔點嘛？！我自己一個人食，要左半打試一試。
美國肥牛滾十幾秒就食得，好重牛味，好味啊，可惜午餐只有3塊，對於牛魔王的我實在唔太夠。
$39聖子唔好以為平野無好，原來好大隻架，入口超鮮甜，好肥美，咬一啖爆曬汁，真心好味，絕對要點。另外大蝦同樣有成隻手掌咁長，入口彈牙鮮味，配埋稻庭烏東，好開心的一餐海鮮邊爐午餐啊。
我實在太鐘意食海鮮，而呢度好多野都可以點半份，珊瑚蚌都有半份，我一個人ko佢完全無難度，好爽口好甜啊！因為今日喉嚨痛所以點左清湯，同場聞到人地d麻辣湯底實在好香好吸引，lunch都有得點，下次我的目標就係佢啦，yeah
Post
