Video
Read full review
2020-11-10
597 views
我成日都覺得，約朋友食飯，想約就要約，想去就要去！做咗阿媽講呢啲係幾衰，不過我哋早咗幾個禮拜約，爸爸又肯幫我湊住兩個，咁我就梗係要出嚟鬆一鬆啦！太耐冇食泰菜，我哋就相約在九龍城黃珍珍泰國菜館，我都算係半個地膽，去過九龍城嘅朋友都一定聽過黃珍珍。一坐低我哋就埋頭苦幹咁睇餐牌，我哋4位少婦，一人揀幾樣，一唔小心我哋竟然叫咗 11 個餸，兩款甜品！食物到枱，大家都一定係相機食先啦！唔係大家又點會睇到靚靚餸菜個樣，下面我就講下我哋叫乜叫咗咁多。生蝦刺身：食泰菜必叫，而且用嚟打卡一流，睇相你就知點解，真係超夢幻 (其實係啲乾冰造出嚟嘅效果)。新鮮生蝦配正宗酸辣泰式醬汁，仲要配埋呢個傳統泰式食法「生蝦、涼瓜、辣椒、蒜頭」一啖入口，層次豐富，真係睇得又食得之作。柚子沙律：超 fresh 又開胃嘅沙律，真係食完之後個胃可以裝多咗食物。燒澳洲和牛舌：牛舌絕對係嶠爸至愛，我就一般般啦！但黃珍珍呢個澳洲和牛舌，我就真係食唔停口，因為食落口超「冧」嘅，唔似平時嗰啲咁「un」。串燒鮮白鱔：呢個真心不得了，一上枱，我已經被佢嘅香味吸引住！老老實實，連我呢個唔好魚嘅人，食完一串都想再嚟一串，因為真係燒得勁香，啲汁真
一坐低我哋就埋頭苦幹咁睇餐牌，我哋4位少婦，一人揀幾樣，一唔小心我哋竟然叫咗 11 個餸，兩款甜品！食物到枱，大家都一定係相機食先啦！唔係大家又點會睇到靚靚餸菜個樣，下面我就講下我哋叫乜叫咗咁多。
生蝦刺身
28 views
1 likes
0 comments
生蝦刺身：食泰菜必叫，而且用嚟打卡一流，睇相你就知點解，真係超夢幻 (其實係啲乾冰造出嚟嘅效果)。新鮮生蝦配正宗酸辣泰式醬汁，仲要配埋呢個傳統泰式食法「生蝦、涼瓜、辣椒、蒜頭」一啖入口，層次豐富，真係睇得又食得之作。
柚子沙律
45 views
1 likes
0 comments
柚子沙律：超 fresh 又開胃嘅沙律，真係食完之後個胃可以裝多咗食物。
燒澳洲和牛舌
37 views
1 likes
0 comments
燒澳洲和牛舌：牛舌絕對係嶠爸至愛，我就一般般啦！但黃珍珍呢個澳洲和牛舌，我就真係食唔停口，因為食落口超「冧」嘅，唔似平時嗰啲咁「un」。
串燒鮮白鱔
51 views
0 likes
0 comments
串燒鮮白鱔：呢個真心不得了，一上枱，我已經被佢嘅香味吸引住！老老實實，連我呢個唔好魚嘅人，食完一串都想再嚟一串，因為真係燒得勁香，啲汁真係同舊鱔好夾。
炸單骨雞翼
35 views
0 likes
0 comments
炸單骨雞翼：聽店員講係新登場，佢哋係用無激素雞翼，配埋新鮮泰國香料醃製。食落口真係脆到卜卜聲。內層仲好 juicy，仲要係單骨食法，真係勁方便！
冬蔭公湯
27 views
0 likes
0 comments
冬蔭公湯：新鮮生猛嘅大頭蝦，煮出濃郁惹味嘅冬蔭功湯，酸酸辣辣勁開胃！
泰式明爐元朗烏頭
21 views
0 likes
0 comments
泰式明爐元朗烏頭：呢個烏頭來頭不少，再經過黃珍珍嘅廚師團隊巧製泰式蒸烏頭，加入咗酸梅等泰式食材，突出魚嘅鮮味，另外仲加咗豬肉丸，夾埋魚湯一齊食，果然有驚喜。
招牌咖哩炒蟹、法式麵包：法式麵包，沾咖哩食，勁正！或者就咁食啲咖哩炒蟹，一樣係食唔停口。
馬拉盞炒泰國通菜
45 views
1 likes
0 comments
馬拉盞炒泰國通菜：泰國通菜真係同一般通菜唔同，好爽口，再配埋馬拉盞炒，真係好香口。
菠蘿炒飯
29 views
0 likes
0 comments
菠蘿炒飯：芊嶠至愛，入面有菠蘿粒，面有肉鬆，有腰果，放係個菠蘿入面上枱，真係又靚又香。
泰式炒粉
48 views
0 likes
0 comments
泰式炒粉：估唔到個配搭咁夾，有酸酸嘅味，即便個肚已經好飽，但食完一啖都仲想繼續食🤪
泰式甜品
37 views
0 likes
0 comments
甜品 - 芒果糯米飯 (左) & 椰青糕 (右)
椰青糕 ：類似大菜糕，入面有一絲絲椰肉，所以有淡淡嘅椰香味。
芒果糯米飯：黃珍珍嘅芒果糯米飯好特別㗎！因為係分別有黑糯米 & 白糯米，白糯米係出面少啲機會食到，但原來白糯米都幾好味！
總結：對上一次食黃珍珍都年幾之前，今次再食，感覺同以前唔同，味道唔再似以前咁濃味，而且多咗啲「花神」，淨係個仙氣生蝦刺身，都已經好特別。下次一定要同老公仔女到嚟食！
Post
