仙跡岩 (Closed)

今日去咗新蒲崗探朋友， 我哋傾咗一陣， 然後佢推介一間又平又抵食嘅餐廳， 原來係仙跡岩。餐牌嘅選擇都多咗， 除咗有以前嘅滷肉飯和牛肉麵之外， 仲多咗啲咖哩飯和小食等等選擇， 飲品都多咗抹茶系列。日式吉列豬扒咖哩飯豬扒炸得幾脆身， 脆身得嚟唔會炸到入面啲豬肉乾曬， 個咖哩汁係日式嘅甜咖哩汁， 好少辣， 呢個飯30幾蚊真係抵食。台風大塊雞即係鹽酥大雞扒， 個雞扒都炸得好脆， 個炸漿做得幾好， 上面落咗少少鹽同埋五香粉， 好香口。甜不辣係墨魚餅配甜酸汁， 墨魚餅味好重幾彈牙 ，配甜酸汁幾開胃。抹茶紅豆珍珠抹茶味和奶香味都好香， 珍珠嘅質感煙煙靭靭， 幾好飲。