Video
Read full review
2017-02-10
456 views
聽講里間好出名，次次都見人龍排隊。今日同朋友仔睇完戲，💁🏻推介里間餐廳，所以我地一行五人就黎左幫襯。七點半黎到門口，果然有批人係度排隊。我地拎完飛等左大概半個鐘先有位。搞笑既係門口果位侍應哥哥明明係佢比飛我地，而且佢仲係認得我地，但佢係我地入去前竟然要收返張飛佢先比枱，所以張飛係好重要既！千萬唔好唔見🙃🤣我地係門口已經諗好左叫咩，所以一坐底就可以落單啦！🙌🏻1）串燒沙爹$68（半打就係3串雞🐔3串豬🐷）本人覺得雞好食d，燒得岩岩好，保持到肉汁，聞落幾香，味道都唔錯。豬就乾身左少少，冇雞甘好味。我就無點到沙爹汁食，朋友仔話個汁一般，可點或唔點醬😶2）阿來海南雞飯$52🐔個海南雞飯既雞幾滑，佢係雞脾肉，份量適中，有齊上脾同下脾，起骨切成一塊塊，方便進食。個醬汁味道都夾件雞，但佢得一個汁，唔似其他地方有三個汁可點。3）青咖哩牛$68🐂青咖哩牛不嬲係我去泰國必點既菜，但里間個青咖哩個汁有點稀，配料有點少，牛係好普通既牛，唔滑既！可以唔叫👎🏻4）泰式粉絲蝦煲$148🦐里個我對佢期待好大，因為以為蒜蓉、粉絲同蝦既配搭實冇死，點知⋯⋯🙊個煲野有蒜蓉但味唔出，大頭虎有兩隻開邊，所以有四塊可分，但d肉質
七點半黎到門口，果然有批人係度排隊。我地拎完飛等左大概半個鐘先有位。搞笑既係門口果位侍應哥哥明明係佢比飛我地，而且佢仲係認得我地，但佢係我地入去前竟然要收返張飛佢先比枱，所以張飛係好重要既！千萬唔好唔見🙃🤣
我地係門口已經諗好左叫咩，所以一坐底就可以落單啦！🙌🏻
1）串燒沙爹$68（半打就係3串雞🐔3串豬🐷）
本人覺得雞好食d，燒得岩岩好，保持到肉汁，聞落幾香，味道都唔錯。豬就乾身左少少，冇雞甘好味。我就無點到沙爹汁食，朋友仔話個汁一般，可點或唔點醬😶
2）阿來海南雞飯$52🐔
個海南雞飯既雞幾滑，佢係雞脾肉，份量適中，有齊上脾同下脾，起骨切成一塊塊，方便進食。個醬汁味道都夾件雞，但佢得一個汁，唔似其他地方有三個汁可點。
3）青咖哩牛$68🐂
青咖哩牛不嬲係我去泰國必點既菜，但里間個青咖哩個汁有點稀，配料有點少，牛係好普通既牛，唔滑既！可以唔叫👎🏻
4）泰式粉絲蝦煲$148🦐
里個我對佢期待好大，因為以為蒜蓉、粉絲同蝦既配搭實冇死，點知⋯⋯🙊
個煲野有蒜蓉但味唔出，大頭虎有兩隻開邊，所以有四塊可分，但d肉質唔算彈牙，粉絲明明可以煮到好好味既，點知吸晒油，而且味道較淡。但又油又淡果時，認真失望了！😥而且甘既價錢，味道卻原此，只可以話唔值！😐
5）馬拉盞炒芥蘭$68🌱
里碟算味道唔錯，芥蘭炒得岩岩好，唔會太熟或太生，有少許辣味。唔係好食得辣既朋友仔表示辣呀！我就覺得岩岩好🤗
6）泰式炒金邊粉$58🍽
里個金邊粉味道中規中矩，味道唔難食亦唔突出，蝦都有幾隻但淡味，蛋網得個樣但冇乜味，所以我冇食到，都係可叫可唔叫。
7）蒜蓉包$25🥖
$25蚊有四片蒜蓉包，我太飽就冇食到。朋友仔話夠熱夠脆同夠味，可以一試。佢地用蒜蓉包黎點青咖哩個汁，話味道都唔錯😌
總括而言，里間野鄰近先達，即近地鐵站，地理方面就腳，而且晚市價錢算平同冇限時，我地五人每人比一百蚊就食到甘多野，我覺得係抵食既，食完仲可以慢慢傾下計，冇趕客。但食物味道唔係樣樣都好，可能多人排隊，我就對佢期望過高啦！而且水要你要求先提供，隻杯又唔算太乾淨，水入面有d唔知係乜係度浮浮下同有層油，可改善一下。
串燒沙爹
$68
29 views
0 likes
0 comments
阿來海南雞飯
$52
46 views
0 likes
0 comments
青咖哩牛
$68
23 views
0 likes
0 comments
泰式粉絲蝦煲
$148
43 views
0 likes
0 comments
馬沙盞炒芥蘭
$68
35 views
0 likes
0 comments
泰式炒金邊粉
$58
44 views
0 likes
0 comments
蒜蓉包
$25
35 views
0 likes
0 comments
Post
