手拉麵小廚

Open Now

Now Closed

睇到好多openrice 比好評手拉麵，所以都想試下，由於S先生病左，所以佢冇乜胃口食，唔係應該叫多d野試😂醉雞（$60）呢碟黎到有開心左一下，好大碟呀😱只係$60，比平時果d 60幾得細細碟，算幾好！味道方面就......雞好滑，但入面見血😰又唔係好重酒味，所以，可以下次唔使叫。蔥爆牛肉客飯（$45）好好食呀，牛肉好冧，味道好好，連洋蔥都好好食，不過可能牛肉來價貴，所以份量比較少，但真係要試👍加$3 既凍菜蜜，我諗多左，以為加$3有菜蜜咁好，原來好細杯，細杯都唔緊要，冇諗過咁難飲😐冇味，同水冇分別，如果係咁不如正經加多少少錢比d正常菜蜜客人😥飲飲下有隻野飛上我個杯😭S先生自作聰明再叫多杯，我比佢激到差d暈低，早知叫可樂飲冇咁嬲😒傳說中既小龍包（$35/5隻）個個都話好食，現場都好多人叫，唔叫又唔好😂賣相：軟爬爬好似呀婆心口咁，唔靚，只希望有內涵，入面好多湯同肉，皮都夠薄，但話真係好好食就又唔係，不過咁既價錢叫下囉。