翠林辣蟹舫

同阿仔一向都鍾意食海鮮，尤其係蟹🦀。九龍區嘅話，我通常揀去翠林辣蟹舫 ，原因係餐廳除咗炒蟹🦀之外，其他小菜亦煮得非常出色😋，另外餐廳設有魚缸，海鮮保證新鮮生猛😍。黃金豆腐 $68外層炸得非常香脆，入面豆腐依然滑溜😋。黃金流沙蝦球 $48/隻蝦球🦐非常之大粒，面層用加咗蛋黃嘅炸粉🥰，香脆得嚟又帶有陣陣嘅蛋黃味道🤤，入面蝦肉🦐爽口彈牙，蘸埋沙律醬食，可以中和返個油膩感覺😋。豬油渣炒福菜花 $148炒得好有鑊氣😋，由於用咗豬油渣🐖，所以福菜花🥦除咗有豬油嘅香味之外，仲有少少焦香😍。那個嘅豬油渣非常脆口，非常惹味，但我不敢食太多😂。食神炒飯 $188炒飯造成鯉魚🐟嘅造型，非常吸睛。炒飯🍛炒得乾身配料亦非常吸引，用蝦肉、帶子，加埋脆卜卜嘅蟹籽，非常好食，不愧為食神炒飯🤤。避風塘香辣蟹 $688雖然話細，但其實都幾大隻🫢；雖然大隻但差不多完全被辣蒜覆蓋住😂。辣蒜好香，好乾身，好惹味😋，完全沒有多餘的油膱味👍，加上蟹肉🦀非常鮮甜，真係好食到停唔到口🤤。