泰發泰國餐廳

Open Now

Now Closed

今日晚上同朋友一齊黎到九龍城，黎到九龍城不得不試就係地道既泰國菜，今晚就決定食呢一間既泰國餐廳，叫「泰發泰國餐廳」。我地黎到唔使等位已經可以好快入座，環境算唔錯，坐低之後，望一望餐牌，真係有好多選擇，最後我地點左一個招牌菜，一個小食，一個菜，分別係招牌泰式咖哩炒肉蟹（送蒜蓉包5件）、檸檬燒牛肉同馬拉盞炒通菜。首先上台既係馬拉盞炒通菜：份量都好大碟，而且岩岩炒起夠哂熱，食落去味道都好香，好入味。之後再上台既係檸檬燒牛肉：呢一款菜式我未係其他泰國餐廳食過，所以叫左試一下，將牛肉點落個汁度，連埋蒜蓉、辣椒，食落去酸酸辣辣，食落幾開胃，味道唔錯，而且份量都好多，最底仲有菜tim。最後上台係泰式咖哩炒蟹連蒜蓉包：份量係超大碟，足夠3-4人食，隻蟹都好大隻，連埋黃咖哩一齊食，好好味，蒜蓉包再點埋個黃咖哩一齊食。