Video
Read full review
2024-03-25
1104 views
男朋友廣州親戚嚟香港玩幾日，其中一日就嚟咗呢間舖頭食晚飯。成個環境係乾淨企理，場地都十分之大，坐得都幾舒服。我哋八個人，叫咗大概11道餸。第一道係泰式鳳爪佢味道唔似平時啲鳳爪咁有酸甜嘅感覺，係偏向酸辣白醋味嗰隻酸，同埋個辣味都比平時街邊食嗰啲鳳爪辣。好味指數：👍👍👍第二道餸係酥炸軟殼蟹呢度送非常之酥脆，一上枱，無論大人細路都好快食晒，我哋仲叫多咗一碟。外皮酥脆，裏面嫩滑。好味指數：👍👍👍👍👍第三道菜係馬拉盞炒通菜冇平時食開啲馬拉盞通菜咁濃味，同埋份量比較少，就當普通叫個炒通菜食。好味指數：👍👍👍第四道菜係海南雞飯雞整得很嫩滑，成枱人都覺得好食，又係一個好快清晒嘅餸，雞整得唔會感覺好油膩，同埋雞肉係滑得黎熟嘅，平時出去係好易唔熟。好味指數：👍👍👍👍👍第五度餸係泰式小食拼盤12件好適合一家人一圍枱叫一碟，樣樣都有啲，蝦片好脆口，整體都唔錯。好味指數：👍👍👍👍第六道餸係大蝦陰功湯食泰國餸必須要一試冬陰功湯，一試便知道間舖係咪泰國人幫手打理。試完結果話我知：普普通通，一一般般正正常常。好味指數：👍👍👍+0.5第七度餸係佢哋泰式燒豬頸肉豬頸肉唔會好乾身，都比較Juicy搽咗蜜糖，所以識落嘅感覺都
成個環境係乾淨企理，場地都十分之大，坐得都幾舒服。
我哋八個人，叫咗大概11道餸。
第一道係泰式鳳爪
佢味道唔似平時啲鳳爪咁有酸甜嘅感覺，係偏向酸辣白醋味嗰隻酸，同埋個辣味都比平時街邊食嗰啲鳳爪辣。
好味指數：👍👍👍
第二道餸係酥炸軟殼蟹
呢度送非常之酥脆，一上枱，無論大人細路都好快食晒，我哋仲叫多咗一碟。外皮酥脆，裏面嫩滑。
好味指數：👍👍👍👍👍
第三道菜係馬拉盞炒通菜
冇平時食開啲馬拉盞通菜咁濃味，同埋份量比較少，就當普通叫個炒通菜食。
好味指數：👍👍👍
第四道菜係海南雞飯
雞整得很嫩滑，成枱人都覺得好食，又係一個好快清晒嘅餸，雞整得唔會感覺好油膩，同埋雞肉係滑得黎熟嘅，平時出去係好易唔熟。
好味指數：👍👍👍👍👍
第五度餸係泰式小食拼盤12件
好適合一家人一圍枱叫一碟，樣樣都有啲，蝦片好脆口，整體都唔錯。
好味指數：👍👍👍👍
第六道餸係大蝦陰功湯
食泰國餸必須要一試冬陰功湯，一試便知道間舖係咪泰國人幫手打理。試完結果話我知：普普通通，一一般般正正常常。
好味指數：👍👍👍+0.5
第七度餸係佢哋泰式燒豬頸肉
豬頸肉唔會好乾身，都比較Juicy搽咗蜜糖，所以識落嘅感覺都有少少似食咁蜜汁叉燒，又係一個大人小朋友都比較喜歡食嘅菜式。
好味指數：👍👍👍👍+0.5
第八道餸係泰式牛肉炒粉絲
整體味道係傾向先甜同酸，個感覺味道都比較一般，都唔算炒得特別香。牛肉都處理得比較乾身有少少似迷你牛肉乾。我個人覺得比較一般，但係大陸啲親戚就覺得幾好食。
好味指數：👍👍
第九道菜係泰式咖喱蟹
咖喱汁撈雞油飯，好好味，令其咖喱味好突出。食蟹係比較論盡，但係佢啲蟹好有個鮮味喺度，都非常之唔錯，可以一試。
好味指數：👍👍👍👍+0.5
第10道菜係泰式串燒雞牛肉
串燒一啲都唔乾身，沙嗲汁都幾好食嘅，食開泰國菜又鍾意食串燒嘅朋友，呢度數都唔係伏😂
好味指數：👍👍👍+0.5
整體評論：地方比較大，坐得都比較舒服，但係同樣價錢都比較貴嘅，八個人共食咗$3300落樓，如果招呼或者禮待顧客或者親戚係可以試吓呢一間。雖然唔係我覺得最好食嘅泰國菜餐廳，通常真係泰國人開嘅泰式餐廳係比較小型嘅，所以都坐得冇咁舒服，如果多人得來又想坐得舒舒服服，依家都可以一試，當然價錢就都比較貴的。
色：👍👍👍👍👍
香：👍👍👍
味：👍👍👍👍
CP值：👍👍👍
環境及干淨度：👍👍👍👍
Post
