Video
Read full review
2023-09-24
11 views
📍九龍城 禮平時去九龍城通常都係食泰國菜，但係其實都仲有好多唔同類型嘅餐廳。今日我就嚟到呢一間日式居酒屋，佢嘅舖頭唔算大，但係裝飾非常精緻，一入去有種返咗日本鄉下嘅感覺。٩(˃̶͈̀௰˂̶͈́)و• 蟹羔玉子燒玉子燒雖然入邊冇好多其他嘅配料，但係佢整嘅時候應該調咗好多味，所以好香，而且有好清甜嘅感覺。再加上蟹籽喺面頭，令到口感非常之豐富。• 味醂魚燒佢呢個魚乾非常之香，而且加上佢嘅醬，口感同味道都一流。而且魚乾唔會太乾，亦都唔會軟林林，燒得啱啱好。• 蟹肉蟹羔甲羅燒呢度菜非常特別，佢有蟹肉同蟹膏可以自助放落餅乾上面，然後再加上蛋黃醬，食入口非常有層次。而且佢嘅蟹膏好鮮甜，味道好好🩵。• 板煎和牛粒黃牛粒調味得啱啱好，唔會太鹹，而且入口即溶，唔會咬好耐先吞到。• 唐揚炸雞炸雞一碟有四舊，份量好多，而且上碟時熱辣辣。• 青森青提豚肉卷• 富士蘋果煙肉卷• 極上黑豚腩佢嘅卷物都非常之神奇，蘋果同葡萄酸味道嘅層次好豐富，除咗面頭嘅鹹香肉味，仲有入邊水果嘅鮮甜。一開始都擔心會唔會配合唔到變得好怪，但係出奇地兩種味道配合得好好，而且令到肉嘅油膩感下降。• 京蔥雞肉串佢嘅雞肉燒得非常香，而且佢嘅京蔥亦都好甜，再
平時去九龍城通常都係食泰國菜，但係其實都仲有好多唔同類型嘅餐廳。今日我就嚟到呢一間日式居酒屋，佢嘅舖頭唔算大，但係裝飾非常精緻，一入去有種返咗日本鄉下嘅感覺。
٩(˃̶͈̀௰˂̶͈́)و
• 蟹羔玉子燒
玉子燒雖然入邊冇好多其他嘅配料，但係佢整嘅時候應該調咗好多味，所以好香，而且有好清甜嘅感覺。再加上蟹籽喺面頭，令到口感非常之豐富。
• 味醂魚燒
佢呢個魚乾非常之香，而且加上佢嘅醬，口感同味道都一流。而且魚乾唔會太乾，亦都唔會軟林林，燒得啱啱好。
• 蟹肉蟹羔甲羅燒
呢度菜非常特別，佢有蟹肉同蟹膏可以自助放落餅乾上面，然後再加上蛋黃醬，食入口非常有層次。而且佢嘅蟹膏好鮮甜，味道好好🩵。
• 板煎和牛粒
黃牛粒調味得啱啱好，唔會太鹹，而且入口即溶，唔會咬好耐先吞到。
• 唐揚炸雞
炸雞一碟有四舊，份量好多，而且上碟時熱辣辣。
• 青森青提豚肉卷
• 富士蘋果煙肉卷
• 極上黑豚腩
佢嘅卷物都非常之神奇，蘋果同葡萄酸味道嘅層次好豐富，除咗面頭嘅鹹香肉味，仲有入邊水果嘅鮮甜。一開始都擔心會唔會配合唔到變得好怪，但係出奇地兩種味道配合得好好，而且令到肉嘅油膩感下降。
• 京蔥雞肉串
佢嘅雞肉燒得非常香，而且佢嘅京蔥亦都好甜，再加上佢嘅醬汁，味道一流。
• 清酒煮蜆
蜆肉好大粒，而且好清甜新鮮。再加上佢個湯非常之香嘅清酒味，令到成度菜都好香。🤪
• 胡麻蕃茄沙津
沙律好清新，再加上蕃茄嘅香甜，令到層次好豐富。🩷
٩(˃̶͈̀௰˂̶͈́)و
味道：🐱🐱🐱🐱🐱
環境：🐱🐱🐱🐱
服務：🐱🐱🐱🐱
CP值：🐱🐱🐱🐱
٩(˃̶͈̀௰˂̶͈́)و
Post
