石一燒 (九龍城) (Closed)

🥩A4和牛二人餐 $698當中有三款肉，澳洲和牛封門柳、日本A4和牛前腿肉、日本A4和牛三角胸澳洲和牛封門柳係位於牛的橫膈膜肌肉，由於其位置是比較接近內臟的位置，牛肉味極為濃郁而且肉味帶甜。前腿肉屬於牛隻常活動的部位，肉質精瘦，但由於屬於日本和牛，精瘦中又帶有和牛油花香氣，食落入口即溶，係咁多款中我嘅Favourite!!!三角胸位於下肩胛翼板肉尾和前胸肉之間，由第1-6條肋骨部份切成之三角位置，有油花以及一致嘅纖維分佈，可以品嚐到順滑又有嚼勁嘅雙重口感。🥩鐵板燒可以配自家製鹽或燒汁，我建議都係少點燒汁，唔想遮蓋牛肉本身嘅鮮味！🥩沙律及前菜有心機！沙律份量大，前菜三款有小番薯、柚子醋中華沙律、辣味螺肉，擺盤亦好靚！🥩有好多日本飲品選擇，我哋揀咗桃味及柚子味梳打汽水，一路飲一路睇到富士山封面，明明成餐飯都好日式感覺，一解旅行癮！🥩加分位係抹茶雪糕甜品！自己控制抹茶粉加幾多水，就咁試個抹茶粉質量都唔錯，有少許回甘，最後倒上雪糕嘅時候甘、甜剛剛好，係一個好開心嘅甜品👍🏻🥩價錢對得起質素，九龍城細細間嘅鋪仔大家都可以去幫襯下，支持小店。略嫌冷氣唔太夠，份量對於男人泥講可能會爭小小。但係整體裝修