Video
Read full review
2023-03-19
332 views
有啲餐廳，去完之後你覺得好食，就會好快再去。Rustico就係一個非常好嘅例子，我記得呢間餐廳book mark咗係個OpenRice list都好耐，但係地方可能唔啱，所以一直都提唔起勁去，有朋友約生日飯，就去左啦。然後去完一次之後，可以話係即刻愛上。個次我哋選擇左一個佢哋嘅套餐，試種佢地唔同種類嘅西班牙菜食，食完之後對辦，就同自己屋企人再去食多一次。先講第一次，食左個好正嘅餐。前菜三款。精選脆炸西班牙忌廉球，西班牙白毛豬火腿配特選蜜瓜，生牛肉薄片伴芝麻菜配帕馬森芝士，油浸車厘茄及松子仁，三個都各有特色。呢個初榨橄欖油浸香蒜地中海紅蝦配香脆多士係我幾欣賞嘅作品，好在佢嘅多士同紅蝦都好夾。傳統大蒜湯記憶中係西班牙街市試過，今次配西班牙辣肉腸及豬腩肉，那個驚豔更勁，特別係個辣肉腸，未試過咁惹味。主菜有四個選擇：炭燒21天乾熟成美國西冷牛扒炭燒14天乾熟成西班牙杜洛克豬扒炭燒14天乾熟成法國皇家乳鴿21天乾熟成鵝西班牙燴飯我哋多人，食三個菜，乳鴿嘅嫩最讓我深刻，杜洛克豬扒就樣靚味道佳，吃下去那感覺燒得剛好，西班牙燴飯加上熟成的鵝，好少見西班牙菜會用呢啲方法。最後的自家製朱古力三重奏，又係冇
Rustico就係一個非常好嘅例子，我記得呢間餐廳book mark咗係個OpenRice list都好耐，但係地方可能唔啱，所以一直都提唔起勁去，有朋友約生日飯，就去左啦。
然後去完一次之後，可以話係即刻愛上。
個次我哋選擇左一個佢哋嘅套餐，試種佢地唔同種類嘅西班牙菜食，食完之後對辦，就同自己屋企人再去食多一次。
先講第一次，食左個好正嘅餐。
前菜三款。精選脆炸西班牙忌廉球，西班牙白毛豬火腿配特選蜜瓜，生牛肉薄片伴芝麻菜配帕馬森芝士，油浸車厘茄及松子仁，三個都各有特色。
呢個初榨橄欖油浸香蒜地中海紅蝦配香脆多士係我幾欣賞嘅作品，好在佢嘅多士同紅蝦都好夾。
傳統大蒜湯記憶中係西班牙街市試過，今次配西班牙辣肉腸及豬腩肉，那個驚豔更勁，特別係個辣肉腸，未試過咁惹味。
主菜有四個選擇：
炭燒21天乾熟成美國西冷牛扒
炭燒14天乾熟成西班牙杜洛克豬扒
炭燒14天乾熟成法國皇家乳鴿
21天乾熟成鵝西班牙燴飯
我哋多人，食三個菜，乳鴿嘅嫩最讓我深刻，杜洛克豬扒就樣靚味道佳，吃下去那感覺燒得剛好，西班牙燴飯加上熟成的鵝，好少見西班牙菜會用呢啲方法。
最後的自家製朱古力三重奏，又係冇諗過會咁好食。
第二晚食，由於佢嘅肉類質素好，我都係食咗牛扒同西班牙海鮮飯，不過今次冇咁多人，我哋就冇叫到個餐。
兩次到訪，兩次最出色，而且價錢唔算貴，雖然地方有啲遠，但係都好適合一班朋友黎食下飯。
Post
