Blossom

Open Now

Now Closed

裝修有種微復古感覺，樓底高有空間感，音樂播10年舊廣東歌，音量啱啱好。二訪Blossom坐門口位食早餐，望住街景食早餐，享受少少陽光曬落座位，感覺非常好。繁忙時間用餐時間90分鐘，但早餐未算繁忙，可以坐耐少少。*杏脯金文畢芝士酸種包Apricot camembert cheese sourdough $88酸種麵包烘脆邊，擦滿杏脯醬，鋪金文畢芝士粒，本身呢個組合已經好夾好出色，再配上流心水波蛋+芝士醬，味道口感更加豐富，世界級好食！擺盤加埋沙律、哈密瓜、奇亞籽布丁，好適合打卡。黑松露炒蛋配意式香草包 Black truffle scrambled egg with focaccia $88店員人很好俾我將意式香草包轉酸種麵包，炒蛋嫩滑，厚身份量多，黑松露醬亦非常慷慨，係不敗組合。車厘茄成串上，煎到半熟加少少孜然粉，同樣出色。牛奶咖啡 Latte $40 以價錢來講，份量比較少，咖啡微酸，比奶味略重。抹茶牛奶 Kyoto matcha latte $50份量比較細杯，抹茶茶味濃，回甘味普通，整體都係一杯唔錯嘅Matcha Latte。