Parallel

Open Now

Now Closed

亞太中心每次嚟都係任食火鍋，今次終於有新嘗試 - 半自助西餐。餐廳唔算好大，但就幾有氣氛。晚上係半自助形式，揀主餐以後，出面自助區有多款食物。主打當然係海鮮類，青口、翡翠螺同白蝦都好新鮮。再食埋沙律、前菜、冷切肉盤、煙三文魚同芝士選擇夠晒多，淨係自助區都可以ko你。黑湯匙豆腐配三文魚子酥皮盒酥皮盒內見豆腐配三文魚子係幾新奇，入口辣辣地，好似麻婆豆腐咁，但夾得到酥皮，加上三文魚子，食落味道有驚喜。經典黑胡椒芝士手工意粉(帶子)表面煎香既帶子十分討好，即磨芝士碎夠香夠濃，撈埋口感煙韌既手工意粉，口感滿滿。粟米忌廉湯跟餐既粟米忌廉湯味道香濃，估唔到仲有靚靚既點綴。