Video
Read full review
2020-12-19
1098 views
由於飯腳同事放假，女朋友又極度討厭拉麵嘅關係，我決定自己一個黎度一蘭拉麵享受一下獨獨嘅拉麵午餐。尖沙咀一蘭喺棉登徑嘅地庫，入餐廳前要先行樓梯落地庫，我戰戰兢兢地行落去，好似驚住餐廳冇人得自己一個好尷尬咁。 入到一蘭，餐廳比想像中熱鬧，今日淨係開左屋台果半邊，「自修室」位就因為客人唔多所以暫時開放，仲諗住有得坐下「自修室」懷緬下以前讀書坐自修室嘅青蔥歲月。 入座前職員都好有禮貌問我做左一蘭會員未，因為而家入會可以即時用會員即分換取加半份麵底！餐廳都好細心準備信封做口罩暫存袋。餐牌比以前一開業果陣色彩繽紛左，多左圖片形容食物/甜品。例牌一蘭拉麵可以俾客人選擇自己喜歡湯底嘅濃度、油膩度、辣度、蒜泥、蔥、叉燒同麵嘅硬度。 我揀嘅口味係根據之前有個post講日本一蘭員工普遍認為最好食嘅combination！拉麵賣相好靚，連放喺枱面嘅角度都應該係教導過d員工，一蘭個logo正正向住客人。湯底真係冇得彈，夠香濃、辣度岩岩好唔會搶左湯底嘅香味。 叉燒用上瘦肉味道濃郁，不過薄切得三塊份量比較少。麵嘅硬度對我黎講岩岩好，不過份量就非常少，食左兩啖已經就黎冇哂要加麵。建議加麵嘅硬度選擇個人喜好嘅軟一個等級
尖沙咀一蘭喺棉登徑嘅地庫，入餐廳前要先行樓梯落地庫，我戰戰兢兢地行落去，好似驚住餐廳冇人得自己一個好尷尬咁。
入到一蘭，餐廳比想像中熱鬧，今日淨係開左屋台果半邊，「自修室」位就因為客人唔多所以暫時開放，仲諗住有得坐下「自修室」懷緬下以前讀書坐自修室嘅青蔥歲月。
入座前職員都好有禮貌問我做左一蘭會員未，因為而家入會可以即時用會員即分換取加半份麵底！餐廳都好細心準備信封做口罩暫存袋。餐牌比以前一開業果陣色彩繽紛左，多左圖片形容食物/甜品。例牌一蘭拉麵可以俾客人選擇自己喜歡湯底嘅濃度、油膩度、辣度、蒜泥、蔥、叉燒同麵嘅硬度。 
我揀嘅口味係根據之前有個post講日本一蘭員工普遍認為最好食嘅combination！
一蘭拉麵
$95
126 views
0 likes
0 comments
叉燒用上瘦肉味道濃郁，不過薄切得三塊份量比較少。麵嘅硬度對我黎講岩岩好，不過份量就非常少，食左兩啖已經就黎冇哂要加麵。建議加麵嘅硬度選擇個人喜好嘅軟一個等級，因為加麵係唔連湯，軟一級加落稍涼嘅湯，口感會好d。
半熟鹽味蛋
$16
71 views
0 likes
0 comments
最後梗係食加嘅半熟蛋，疫情關係，蛋殼要自己剝衛生d，餐廳都有附上消毒紙巾供客人使用。
食一蘭嘅回憶都係深夜凌晨時份，希望疫情後可以再喺深宵時份再嚐一蘭拉麵！
Post
