Video
Read full review
2017-12-25
530 views
唔知係咪因為冬至，將原本個餐價加多廿蚊變$268，好彩仲有八折。全場都未100%爆，但樓面勁小人。完全唔得閒 Serve 你，做嘢甩甩漏漏，要咩都要追幾次先有。啲餸又岀得慢，唔講以為自已食緊 fine dining。每嗌個餐仲送兩隻美國 Pacific Rock 生蠔，價值 $16/隻。煙三文魚同蛋沙律多士就不過不失喇，個麵包烘得唔夠熱辣辣同香脆，有啲硬。龍蝦濃湯都幾有龍蝦味，但未去到濃湯。而湯質都係偏稀，應該都係溝岀嚟。主菜可以揀鵝肝配牛柳或豬柳，我就揀咗牛柳喇。鵝肝煎到好香滑，牛柳就好厚身，肉質嫩滑多汁，仲好腍。可以配意粉或白飯。意粉係香草意粉，炒得乾身，記住揀意粉。朱古力心太軟反而唔錯，份量幾大。做到流心效果，配埋雲呢拿雪糕好夾。餐茶就係咖啡～
每嗌個餐仲送兩隻美國 Pacific Rock 生蠔，價值 $16/隻。
煙三文魚同蛋沙律多士就不過不失喇，個麵包烘得唔夠熱辣辣同香脆，有啲硬。
龍蝦濃湯都幾有龍蝦味，但未去到濃湯。而湯質都係偏稀，應該都係溝岀嚟。
主菜可以揀鵝肝配牛柳或豬柳，我就揀咗牛柳喇。鵝肝煎到好香滑，牛柳就好厚身，肉質嫩滑多汁，仲好腍。可以配意粉或白飯。意粉係香草意粉，炒得乾身，記住揀意粉。
朱古力心太軟反而唔錯，份量幾大。做到流心效果，配埋雲呢拿雪糕好夾。
餐茶就係咖啡～
Post
