Video
Read full review
2024-09-08
314 views
韓國過江龍人氣炸雞店 🔥Puradak Chicken🐔喺全球有近千間分店攻港短短時間已經開咗三間分店認真巴閉. 作為將軍澳人間唔中想食炸雞都會幫襯下將中呢間開放式分店. 呢間由韓國人主理嘅高端韓式炸雞以特製「先焗後炸」處理手法可以鎖住肉汁雞肉零舍嫩滑仲好有雞味添，而且口味選擇好多有啲仲好特別㗎，⭐️半半炸雞一次過試兩種口味就最好啦‼️長期必點佢個❤️Corn so amazing（濃湯粟米） 口味，伴碟仲有香草烤粟米好香甜，再點埋原味就夠晒原汁原味可以試真雞肉嘅味道. 每款口味仲有有骨同冇骨選擇，冇骨啱晒懶人，有骨就食落更過癮. 炸雞皮香脆肉嫩唔油膩，食完都唔覺得滯，實在坊間少見，價錢唔算平，不過高質量份量多取勝. 🥇👏🏻兩個人叫多個⭐️魚糕湯. 份量好巨型，人多啲都食得晒. 魚糕魚板夠晒入味，湯頭夠鮮美味，配料仲有大蔥、蘿蔔、金菇等蔬菜好鮮甜. 呢個湯配炸雞食一流啊. 💯飲品叫咗個生啤同埋菠蘿梳打，炎炎夏日飲透心涼，而且佢飲品嘅價錢都幾抵飲. 餐廳仲有唔少小食、韓式主食（年糕、煎餅、石鍋飯）等，想坐得舒服食正宗韓國餐係一個好選擇.
呢間由韓國人主理嘅高端韓式炸雞以特製「先焗後炸」處理手法可以鎖住肉汁雞肉零舍嫩滑仲好有雞味添，而且口味選擇好多有啲仲好特別㗎，⭐️半半炸雞一次過試兩種口味就最好啦‼️長期必點佢個❤️Corn so amazing（濃湯粟米） 口味，伴碟仲有香草烤粟米好香甜，再點埋原味就夠晒原汁原味可以試真雞肉嘅味道. 每款口味仲有有骨同冇骨選擇，冇骨啱晒懶人，有骨就食落更過癮. 炸雞皮香脆肉嫩唔油膩，食完都唔覺得滯，實在坊間少見，價錢唔算平，不過高質量份量多取勝. 🥇👏🏻
兩個人叫多個⭐️魚糕湯. 份量好巨型，人多啲都食得晒. 魚糕魚板夠晒入味，湯頭夠鮮美味，配料仲有大蔥、蘿蔔、金菇等蔬菜好鮮甜. 呢個湯配炸雞食一流啊. 💯
飲品叫咗個生啤同埋菠蘿梳打，炎炎夏日飲透心涼，而且佢飲品嘅價錢都幾抵飲. 餐廳仲有唔少小食、韓式主食（年糕、煎餅、石鍋飯）等，想坐得舒服食正宗韓國餐係一個好選擇.
Post
