Video
Read full review
2024-07-08
3102 views
見到社交平台好幾個post都有分享去呢間由泰國人主理嘅餐廳，話哂本身個人都好熱氣嘢，所以就走咗去試嚕~嚟到廳嘅時間大概係18:30，喺呢個未算係人流嘅高峰期，我地前面已經有7枱排緊隊了，一行兩人嘅我地係第8枱，成三十幾度喺條街度企其實都真係幾熱，店住有將餐牌貼喺出面，方便外賣同堂食客睇定想叫啲咩食先。再望入餐廳入面，佢真係全場爆滿，個個都叫到成枱嘢食，睇嚟如果唔想等位嘅話，平日要六點入座先得。喺等位嘅期間，不停見到有人嚟叫/囉外賣，由此可見佢都幾受居民歡迎。等咗半個鐘終於入座了，曾經聽人講要排幾個鐘隊先入到去食，所以我諗半個鐘算快~ 嗱嗱聲叫咗三樣嘢食：醉貓炒河、燒牛肉、泰式椰汁雞湯燒牛肉（$138）：份量足，就咁食牛肉都有淡淡蜜糖甜味，帶出牛肉嘅鮮味，值得一提嘅係牛肉燒得啱啱好，唔會嚡澀澀。蘸咗泰式辣醬嘅牛肉就超惹味，辣醬味道似係以現成嘅醬加工而成，美中不足。泰式椰汁雞湯（$108）：椰汁雞湯好足料，有極多湯料，椰汁味突出，味道小辣鮮味可口，兩個人叫細嘅份量剛剛好。醉貓炒河（$88）：肉碎份量好多，味道只有bb辣，整體調味貼合香港人嘅口味，寬河粉份量可以多少少，咁就大滿足。以一個鐘頭
嚟到廳嘅時間大概係18:30，喺呢個未算係人流嘅高峰期，我地前面已經有7枱排緊隊了，一行兩人嘅我地係第8枱，成三十幾度喺條街度企其實都真係幾熱，店住有將餐牌貼喺出面，方便外賣同堂食客睇定想叫啲咩食先。再望入餐廳入面，佢真係全場爆滿，個個都叫到成枱嘢食，睇嚟如果唔想等位嘅話，平日要六點入座先得。喺等位嘅期間，不停見到有人嚟叫/囉外賣，由此可見佢都幾受居民歡迎。
等咗半個鐘終於入座了，曾經聽人講要排幾個鐘隊先入到去食，所以我諗半個鐘算快~ 嗱嗱聲叫咗三樣嘢食：醉貓炒河、燒牛肉、泰式椰汁雞湯
燒牛肉（$138）：份量足，就咁食牛肉都有淡淡蜜糖甜味，帶出牛肉嘅鮮味，值得一提嘅係牛肉燒得啱啱好，唔會嚡澀澀。蘸咗泰式辣醬嘅牛肉就超惹味，辣醬味道似係以現成嘅醬加工而成，美中不足。
燒牛肉
$138
207 views
0 likes
0 comments
泰式椰汁雞湯（$108）：椰汁雞湯好足料，有極多湯料，椰汁味突出，味道小辣鮮味可口，兩個人叫細嘅份量剛剛好。
泰式椰汁雞湯
$108
174 views
0 likes
0 comments
醉貓炒河（$88）：肉碎份量好多，味道只有bb辣，整體調味貼合香港人嘅口味，寬河粉份量可以多少少，咁就大滿足。
醉貓炒河
$88
369 views
0 likes
0 comments
以一個鐘頭用餐時間嚟講，上菜速度算快，所有餐點都熱辣辣即叫即整，個人食嘢比較慢，但都唔覺得好趕，整體感覺唔錯，如果唔使排隊嘅話一定會再回頭。食緊嘅時候排隊嘅人無減少過，待應態度可以，用餐體驗愉快。
Other Info. :
如果要將佢同九龍城泰X國比較，以燒牛肉嚟講，我會揀後者，每一次食都好鐘意佢個自家制嘅汁，超惹味。但以醉貓炒河嚟計，前者嘅調味更加貼合唔食得辣嘅人嘅口味，肉碎分量仲多啲添，所以兩間餐廳，各有千秋。正如鹹魚青菜，各有所愛~
(The above review is the personal opinion of a user which does not represent OpenRice's point of view.)
Post
