Video
Read full review
2019-01-19
75 views
前排上網見到佐敦新開咗間「鱻88日本料理」日式餐廳，特別推出咗一系列活海鰻魚菜式，仲有多款新食法，包括有人氣嘅鰻魚丼、活海鰻塌塌米、鰻魚玉子蛋糕等。仲要每一款都係用新鮮海鰻製作，真材實料！男友至愛食鰻魚，今日一於帶佢嚟試下先。呢度除咗海鰻，都仲有好多其他嘢食，仲要係由星級廚師團隊即席炮製天婦羅、鐵板燒、浜燒、涮涮鍋、壽司刺身等，我哋首先揀咗個小食一口芝士，表面金黃又香脆，內裡芝士又軟又流心，再加埋藍莓醬，味道甜甜哋，又係另一種風味！食日本嘢又點少得刺身呢，真鯛薄切刺身超鮮甜呀，好似啱啱喺海撈上嚟嘅感覺，的確好新鮮，再加少少酸汁更加能帶出佢嘅鮮味。甜蝦同三文魚都係我至愛，甜蝦又甜又多膏，晶瑩剔透，而三文魚新鮮肥美。跟住揀番少少香口嘢，點咗兩款串燒，自家製免治雞肉串同埋長蔥雞串，免治雞肉串有啲燒汁，點少少蛋醬就更美味。長蔥雞串一上檯已經聞到香蔥嘅味道，一口雞肉，一口香蔥，感覺清新。話明嚟食活海鰻架嘛，主角嚟啦，叫咗個活海鰻塌塌米，塌塌米非常香脆，而活海鰻肉嫩鮮甜，再加埋少少嘅鰻魚汁，真係一個創新嘅配搭。另一款主打係蒲燒活海鰻魚丼三食🍱：佢參考咗日本名古屋做法，製成三食，先將飯分為4份，先將
前排上網見到佐敦新開咗間「鱻88日本料理」日式餐廳，特別推出咗一系列活海鰻魚菜式，仲有多款新食法，包括有人氣嘅鰻魚丼、活海鰻塌塌米、鰻魚玉子蛋糕等。仲要每一款都係用新鮮海鰻製作，真材實料！男友至愛食鰻魚，今日一於帶佢嚟試下先。
呢度除咗海鰻，都仲有好多其他嘢食，仲要係由星級廚師團隊即席炮製天婦羅、鐵板燒、浜燒、涮涮鍋、壽司刺身等，我哋首先揀咗個小食一口芝士，表面金黃又香脆，內裡芝士又軟又流心，再加埋藍莓醬，味道甜甜哋，又係另一種風味！
食日本嘢又點少得刺身呢，真鯛薄切刺身超鮮甜呀，好似啱啱喺海撈上嚟嘅感覺，的確好新鮮，再加少少酸汁更加能帶出佢嘅鮮味。甜蝦同三文魚都係我至愛，甜蝦又甜又多膏，晶瑩剔透，而三文魚新鮮肥美。
跟住揀番少少香口嘢，點咗兩款串燒，自家製免治雞肉串同埋長蔥雞串，免治雞肉串有啲燒汁，點少少蛋醬就更美味。長蔥雞串一上檯已經聞到香蔥嘅味道，一口雞肉，一口香蔥，感覺清新。
話明嚟食活海鰻架嘛，主角嚟啦，叫咗個活海鰻塌塌米，塌塌米非常香脆，而活海鰻肉嫩鮮甜，再加埋少少嘅鰻魚汁，真係一個創新嘅配搭。
另一款主打係蒲燒活海鰻魚丼三食🍱：佢參考咗日本名古屋做法，製成三食，先將飯分為4份，先將第1份加落碗試一試最最basic嘅味道；第2份就加啲配料(粟米粒，紫菜，wasabii同埋蔥)，第3份就係加入熱茶變成茶漬湯飯，最後1份大家可以encore食番想食嗰款味道，我自己就最鍾意原味啦，鰻魚肉厚又鮮甜，真係very good。
呢度啲店員仲好好服務添，不停幫客人加茶水，好窩心啊！男友今日超開心，佢話除咗去日本，好耐都無食過咁新鮮嘅鰻魚啦！下次要再嚟咁話喎！
Post
