Video
Read full review
2024-01-26
2509 views
陳儀興尚潮樓 Chan Yee Hong Sheung Chiu Lau📍鰂魚涌英皇道1001號7樓1號舖嚟咗港島區返工之後，一直想周圍覓食，識下唔同餐廳。呢晚終於俾我搵到另外三位識食之人，同我一齊試下一間潮式打冷。佢哋嘅招牌菜有潮汕滷水、傳統潮州手工菜同各式各樣嘅特色湯羹、小菜。我哋會揀佢，因為佢完美將懷舊潮菜同新派元素結合，令無食開潮式料理嘅人，都可以更容易接受；而且佢算係陳儀興呢個老字號嘅高檔版，裝修具有中國古典優雅風，檯與檯之間都有古色古香嘅屏風相隔，好適合三五知己聚腳。介紹食物湯品前，不得不提呢度嘅一大特色，就係功！夫！茶！餐前餐後都會奉上，茶濃味甘，既開胃又解膩。功夫茶嘅選料好嚴格，烘焙嘅方法亦好有學問，所以沖泡功夫茶係一門非常講究同費功夫嘅手技。 💰$88涼拌海蜇頭 🐙我哋叫咗兩款前菜，先介紹涼拌海蜇頭。海蜇頭色澤偏黃，口感Q彈厚實兼爽脆，咬落去會有索索聲！佢嘅調味偏酸帶微辣，仲有麻油嘅清香，食落非常醒胃。 💰$68涼拌雲耳 🍄涼拌雲耳口感爽脆，醬汁微辛，份量好多，係另一必點醒胃前菜！ 💰$338滷水拼盤 🍱一個價錢，食齊各樣滷水名物，包括大腸、生腸、墨魚、腩肉、元蹄，性
📍鰂魚涌英皇道1001號7樓1號舖
嚟咗港島區返工之後，一直想周圍覓食，識下唔同餐廳。呢晚終於俾我搵到另外三位識食之人，同我一齊試下一間潮式打冷。佢哋嘅招牌菜有潮汕滷水、傳統潮州手工菜同各式各樣嘅特色湯羹、小菜。我哋會揀佢，因為佢完美將懷舊潮菜同新派元素結合，令無食開潮式料理嘅人，都可以更容易接受；而且佢算係陳儀興呢個老字號嘅高檔版，裝修具有中國古典優雅風，檯與檯之間都有古色古香嘅屏風相隔，好適合三五知己聚腳。
介紹食物湯品前，不得不提呢度嘅一大特色，就係功！夫！茶！餐前餐後都會奉上，茶濃味甘，既開胃又解膩。功夫茶嘅選料好嚴格，烘焙嘅方法亦好有學問，所以沖泡功夫茶係一門非常講究同費功夫嘅手技。
[價錢 Price]
💰$88
涼拌海蜇頭 🐙
我哋叫咗兩款前菜，先介紹涼拌海蜇頭。海蜇頭色澤偏黃，口感Q彈厚實兼爽脆，咬落去會有索索聲！佢嘅調味偏酸帶微辣，仲有麻油嘅清香，食落非常醒胃。
[價錢 Price]
💰$68
涼拌雲耳 🍄
涼拌雲耳口感爽脆，醬汁微辛，份量好多，係另一必點醒胃前菜！
[價錢 Price]
💰$338
滷水拼盤 🍱
一個價錢，食齊各樣滷水名物，包括大腸、生腸、墨魚、腩肉、元蹄，性價比夠晒高！陳儀興最出名嘅係佢嘅秘製陳年滷水汁，由多種香料滷製而成，味道香醇，還原正宗潮汕風味！
本地大腸、生腸入味非常，外皮彈牙；墨魚唔韌，質感嫩滑；腩肉肥瘦適中，瘦肉唔乾，肥肉唔重油膩感；元蹄肉質紮實，表皮爽口。一個拼盤滿足晒各人喜好所需，認真抵讚。
[價錢 Price]
💰$158
欖菜肉鬆生菜包 🥙
欖菜肉鬆煮得非常入味，上檯時欖菜味芬芳撲食，唔會過份濕潤或乾身，質感恰到好處，喺面上灑滿嘅松子仁超級香口，好食到停唔到口。雖然佢係跟配生菜包，但我哋認為撈飯送粥，都一樣好食！
[價錢 Price]
💰$228
潮式魚丸肉碎煮汕頭白 🍡
潮式魚丸爽口彈牙，每咬一啖都到魚嘅鮮味，落埋肉碎去煮汕頭白菜。白菜入味腍身，索滿湯汁，整體味道口感細膩，淨食定送飯都一流！
[價錢 Price]
💰$118
方魚炒芥蘭 🥬
食親潮州菜，我都好鍾意叫方魚入饡嘅菜式，例如方魚肉碎粥、方魚炒飯之類。今次嚟到呢度都唔例外，我哋叫咗個方魚炒芥蘭，睇相都見到佢啲芥蘭幾綠油油啦。佢嘅芥蘭好嫩口，所以唔會過硬同有渣，用方魚嚟炒，就可以落少啲鹽，因為方面味道偏鹹，質感偏硬，所以唔洗額外調味就已經好夠。
[價錢 Price]
💰$78
鹹菜花蛤湯 🐚
花蛤鮮甜肥美，隻隻都好厚肉，自身已帶濃濃嘅海鮮味，配上鹹菜、蕃茄、胡椒、芫荽一同熬煮，集所有食材嘅精華於一身。湯底有海產嘅鮮味、鹹菜帶層次嘅鹹味、蕃茄嘅酸甜味、胡椒嘅辛辣味同芫荽嘅清香味，真係好正！
[價錢 Price]
💰$78
二十年老菜脯燉鮮豬肚 🐖
佢哋選用嘅豬肚非常新鮮，無任何羶味或異味，而且細細一盅居然有三至四塊又大又厚嘅豬肚，真係好抵食。二十年老菜脯係由蘿蔔經長時間天然發酵熟成，由於要儲存喺陶甕中反覆醃、壓、翻、曬，工序極為繁複，有黑金人蔘之稱。
呢款燉湯溫潤甘香、湯底清甜，不見一滴油。冬天飲後感到非常滋潤，而且仲有化痰止咳嘅功效，飲完真係好舒服。
Post
