Video
Read full review
2022-10-21
553 views
要BOOK珍姐食個晚飯真係唔係咁容易，終於再可以返嚟食喇，都係依舊咁熱鬧。 入去坐低，店員就已經搶先為我地介紹當日嘅「老蘭嫰牛四併」有咩食，說時遲那時快另一位店員又話有啱啱洗乾淨嘅海鮮併盤，好快就已經點完菜喇～ 叫左杯日啤等開飯。 值得留意嘅係，佢地嘅啤酒係幾貴嘅，其實佢地係有 在店侍酒師，葡萄酒價位亦相對合理，如果多人分享嘅話開返（幾）枝酒都係一個唔錯嘅選擇~ 湯底叫左佢地嘅「招牌豬骨蜆煲」， 上菜後店員幫手撈起兩舊大豬骨之後建議我地飲下啖湯，係唔錯嘅，話晒係邊爐湯底，小咸啦，但係湯頭好香濃，第一樣諗到嘅係想車個拉麵落去牛四併 出現喇，靚仔呀，四款唔同部位唔同肥瘦，肉味同油感各有千秋，如果可以食生啲不妨試下熝六七秒食下 medium 啲，出色呀～ 海鮮併盤有蝦有蜆有貝有蟶子，隻蝦大到，肉厚又實，其他都好鮮甜， 可以有咁嘅質素嘅併盤sample一下，又唔洗叫晒成份其實幾好。最後仲叫左 「鮮製三寶手打肉滑」，包括有「金沙墨魚滑」、「菜脯蝦醬豬肉滑」同埋我最想試嘅「”魚羊”滑」，菜脯蝦醬豬肉滑 食落係好似蒸肉餅，菜脯味幾出， 唔錯。 ”魚羊”滑 好明顯味道上羊大過魚，但係就好滑同最有特
值得留意嘅係，佢地嘅啤酒係幾貴嘅，其實佢地係有 在店侍酒師，葡萄酒價位亦相對合理，如果多人分享嘅話開返（幾）枝酒都係一個唔錯嘅選擇~
湯底叫左佢地嘅「招牌豬骨蜆煲」， 上菜後店員幫手撈起兩舊大豬骨之後建議我地飲下啖湯，係唔錯嘅，話晒係邊爐湯底，小咸啦，但係湯頭好香濃，第一樣諗到嘅係想車個拉麵落去
招牌豬骨蜆煲
9 views
0 likes
0 comments
牛四併 出現喇，靚仔呀，四款唔同部位唔同肥瘦，肉味同油感各有千秋，如果可以食生啲不妨試下熝六七秒食下 medium 啲，出色呀～
老蘭嫰牛四併
15 views
0 likes
0 comments
海鮮併盤有蝦有蜆有貝有蟶子，隻蝦大到，肉厚又實，其他都好鮮甜， 可以有咁嘅質素嘅併盤sample一下，又唔洗叫晒成份其實幾好。
海鮮併盤
13 views
0 likes
0 comments
最後仲叫左 「鮮製三寶手打肉滑」，包括有「金沙墨魚滑」、「菜脯蝦醬豬肉滑」同埋我最想試嘅「”魚羊”滑」，菜脯蝦醬豬肉滑 食落係好似蒸肉餅，菜脯味幾出， 唔錯。 ”魚羊”滑 好明顯味道上羊大過魚，但係就好滑同最有特色，最後 金沙墨魚滑 好鮮，但係可能另外兩款味道比較濃相對地就平淡左少少。
鮮製三寶手打肉滑
10 views
0 likes
0 comments
喺珍姐食飯嘅氣氛係真係好好，店員們個個都有講有笑，店內不停播住唔同年代嘅廣東歌，不時食客們都會大大聲一齊跟住唱，不敢會諗，有時每日食餐飯，無非，都係想開開心心。
唯一可惜嘅係當日扇牯牛全港早無新鮮貨（佢話），無得試過佢地「扇牯牛皇」，唯有努力book枱下次有綠再試。
Post
