勁餃笑

Open Now

Now Closed

今日同朋友兩個晚餐就試咗呢一間開咗冇耐嘅餃子舖。都已經去到夜晚八點，仍然都仲係好熱鬧，keep住有人排緊。入到去，鋪面唔算大，有一張長Bar枱同幾張4人枱。舖頭風格比較可愛輕鬆，有好多貓貓裝飾。呢度嘅餐牌除咗有湯餃煎餃食，亦都有其他小食可以俾你選擇。今次我哋嗌咗一份煎餃同一份湯餃，兩者都可以雙拼。而小食方面我哋就試咗日本涼拌山藥同埋月見雞肉棒。飲品就叫咗自家製洛神花茶。一黎先上小食，涼拌山藥第一次食，有得點wasabi。山藥口感好得意，咬落去係爽口嘅，亦都有外邊潺潺嘅一層，可以做到拉絲，有少少似食秋葵嘅感覺，好特別同清新，好啱夏天食。而月見雞肉棒，就配一隻醬油生雞蛋撈埋一齊食。雞肉棒好有口感，加埋濃郁嘅蛋香味，食落好滿足。而主角餃子方便，煎餃我哋就叫咗黑松露粟米豬肉餃同埋芝士辣雞餃。黑松露味好出，加埋粟米，鮮甜好味。餃子皮都煎到好香脆，唔會過厚。而芝士辣雞餃就真係好香口惹味，芝士可以做到拉絲，同埋亦都真係幾辣。至於湯餃我哋就叫咗大葉雞肉餃，同埋鮮蝦帶子豬肉餃。湯餃一樣做到皮薄同埋有煙靭。大葉雞肉餃估唔到大葉係紫蘇葉，充滿着紫蘇嘅香味，鍾意食紫蘇嘅人一定好鍾意。而鮮蝦帶子豬肉餃一啲都唔吝