Ada’s Not Here

Open Now

Now Closed

歡聲笑語滿場飛，老闆老闆娘非常幽默，食材優質，烹調技巧高超，仲有棟篤笑快感開心㖭。互相恩愛💏煮出嚟嘅東西都係特別好味。一定要預約訂座book位係冇得食，全場爆滿。酸辣茄子開胃菜係辮子嘅形狀，賣相非常有心思。酸辣好刺激。非常期待食吓一道菜。南瓜湯非常綿密，creamy口感。Grilled Razor Clam烤蘇格蘭蟶子皇賣相非常高雅，入口爽口，調味料配襯一絕。吞拿魚他他伴牛油果蓉黑醋波波味道一絕，提升咗整道菜嘅層次。Spaghetti W/Crab Meat And Salted Egg黃金蟹肉意大利麵我喺元朗食過最好味嘅意大利麵，蟹肉分明，鹹甜得宜。Grilled N.Z Lamb Rack 烤紐西蘭羊胺又係我食過最好味嘅羊架，肉質酥軟，開心果鋪面，脆脆口感，真係令人食到嘩嘩聲嘅驚喜。自家製桂花陳皮酒梳打中國版嘅梅酒，非常有意境有意思，入口清甜，濃度低，不停添杯。