Video
Read full review
2020-05-25
3188 views
今年第三餐生日飯(11/5)，響2個鐘前先食完一餐生日飯，中間未夠鐘仲去飲咗杯嘢，再到呢餐係生日宵夜飯局，有人曾經話香港無宵夜，咁當然香港大把宵夜啦，嚟到佐敦偉晴街「S2鐵板燒」去揾「樂師傅」，咁入門口都係量體温嗰啲嘢啦，開頭得我哋一枱客，之後嚟多一枱，電視播住「S2鐵板燒」廣告，仲見到電視播住TVB「揾食飯團」嘅坤哥，吳業坤。因為之前午市宵夜時段有5折，所以訂位時已預訂咗一客北海道原隻毛蟹紐西蘭羊架套餐及一客海膽焗原隻龍蝦北海道帆立貝海鮮套餐(每客都係一人前，原價$1,380，優惠價$780，現午餐及宵夜時段再5折)，不過當晚聽到宵夜時段5折只會做多幾晚。我見到所有套餐都會跟時令沙律及三點刺身盛合，今晚沙律係鴨胸沙律，三點刺身盛合係三文魚刺身、北寄貝刺身及赤蝦刺身，赤蝦刺身尚算大隻彈牙，其他算普普通通，不過不失。另一早已預訂咗S2名物：18層海膽杯(原價$498，現優惠價$368)，最底層開始係：鮮海帶碎、北海道紫海膽、北海道松葉蟹肉、北海道紫海膽、三文魚籽、北海道粒貝、藍旗吞拿魚拖羅蓉、北歐花膠、凍磯煮鮑魚、櫻花魷魚、北海道紫海膽、牡丹蝦、明太子沙律、帆立貝、沖繩海葡萄、北海道紫海
今年第三餐生日飯(11/5)，響2個鐘前先食完一餐生日飯，中間未夠鐘仲去飲咗杯嘢，再到呢餐係生日宵夜飯局，有人曾經話香港無宵夜，咁當然香港大把宵夜啦，嚟到佐敦偉晴街「S2鐵板燒」去揾「樂師傅」，咁入門口都係量體温嗰啲嘢啦，開頭得我哋一枱客，之後嚟多一枱，電視播住「S2鐵板燒」廣告，仲見到電視播住TVB「揾食飯團」嘅坤哥，吳業坤。
北海道原隻毛蟹紐西蘭羊架套餐及海膽焗原隻龍蝦北海道帆立貝海鮮套餐
56 views
0 likes
0 comments
因為之前午市宵夜時段有5折，所以訂位時已預訂咗一客北海道原隻毛蟹紐西蘭羊架套餐及一客海膽焗原隻龍蝦北海道帆立貝海鮮套餐(每客都係一人前，原價$1,380，優惠價$780，現午餐及宵夜時段再5折)，不過當晚聽到宵夜時段5折只會做多幾晚。
時令沙律及三點刺身盛合
14 views
0 likes
0 comments
我見到所有套餐都會跟時令沙律及三點刺身盛合，今晚沙律係鴨胸沙律，三點刺身盛合係三文魚刺身、北寄貝刺身及赤蝦刺身，赤蝦刺身尚算大隻彈牙，其他算普普通通，不過不失。
18層海膽杯
$368
54 views
0 likes
0 comments
另一早已預訂咗S2名物：18層海膽杯(原價$498，現優惠價$368)，最底層開始係：鮮海帶碎、北海道紫海膽、北海道松葉蟹肉、北海道紫海膽、三文魚籽、北海道粒貝、藍旗吞拿魚拖羅蓉、北歐花膠、凍磯煮鮑魚、櫻花魷魚、北海道紫海膽、牡丹蝦、明太子沙律、帆立貝、沖繩海葡萄、北海道紫海膽、黑魚籽、燒白飯魚脆片；$368算係抵食嘅，主要都係用嚟打咭嘅，北海道紫海膽、三文魚籽、藍旗吞拿魚拖羅蓉、黑魚籽係鮮甜好食嘅，某些食材都算夾，有些食材就唔算好夾。
北海道原隻毛蟹紐西蘭羊架套餐
沙律：時令沙律
刺身：三點刺身盛合
主菜：北海道原隻毛蟹兩食
時令貝類
紐西蘭香煎羊架
日本原隻鮮魷魚筒
食事：S2特色黃金炒飯(蟹籽/三文魚/黑松露/蟹膏/鵝肝/鰻魚/牛肉/煙肉/櫻花蝦)選一款或稻庭芝麻冷烏冬麵
燒野菜/焗雜菌
吸物：S2特色紙包花膠蜆湯
甜品：精選季節性甜品
海膽焗原隻龍蝦北海道帆立貝海鮮套餐
沙律：時令沙律
刺身：三點刺身盛合
主菜：鐵板海膽醬芝士焗原隻龍蝦
北海道黑松露帆立貝
招牌脆皮煎鰻魚
食事：S2特色黃金炒飯(蟹籽/三文魚/黑松露/蟹膏/鵝肝/鰻魚/牛肉/煙肉/櫻花蝦)選一款或稻庭芝麻冷烏冬麵
燒野菜/焗雜菌
吸物：S2特色紙包花膠蜆湯
甜品：精選季節性甜品
北海道黑松露帆立貝、日本原隻鮮魷魚、海螺、招牌脆皮煎鰻魚
47 views
0 likes
0 comments
北海道黑松露帆立貝、日本原隻鮮魷魚、海螺、招牌脆皮煎鰻魚
22 views
0 likes
0 comments
食前菜期間，已見到樂師傅開始燒一些海鮮，有北海道黑松露帆立貝、日本原隻鮮魷魚、海螺、招牌脆皮煎鰻魚；帆立貝鮮甜肉嫩、黑松露味唔算太出；日本原隻鮮魷魚，鮮嫩惹味、煙韌彈牙，食唔哂要打包；海螺，尚算大隻，煙韌又好嚼口，配瓜粒一齊食又唔錯，反而呢個現場食哂；招牌脆皮煎鰻魚，外皮煎得非常香脆，鰻魚剛熟肉質嫩滑，個人最喜歡其中一款。
燒紐西蘭香煎羊架及燒野菜
39 views
0 likes
0 comments
肉類有燒紐西蘭香煎羊架，羊架肥瘦比例算適中，油脂滿佈，肉算嫩。
進食期間，師傅已將燒野菜完成，有番茄仔、秋葵、甜薯，可以減去一些油膩感，又係食唔哂要打包。
北海道原隻毛蟹兩食
26 views
0 likes
0 comments
另一主角出場：北海道原隻毛蟹兩食，見到樂師傅好用心機去燒每一件毛蟹及蟹蓋，毛蟹肉嫩鮮甜、蟹蓋蒸蛋夠滑溜，配上蟹膏嘅鹹香又另一種風味，其實已經好飽，食唔哂要打包。
鐵板海膽醬芝士焗原隻龍蝦
22 views
0 likes
0 comments
再另外一主角出場：鐵板海膽醬芝士焗原隻龍蝦，燒龍蝦時嘅情境同用火槍時已經好震撼，香氣撲鼻，海膽醬加芝士半溶狀態，邪惡非常，龍蝦肉嫩彈牙，係好食嘅，但實在太飽，只試了一件後又打包。
錫紙焗雜菌、S2特色黃金炒飯、S2特色紙包花膠蜆湯
23 views
1 likes
0 comments
錫紙焗雜菌，直接打包，不過最後呢個我第二日都係無食到的。
到S2特色黃金炒飯，又係直接打包，第二日食依然好食，飯粒算分明，應該食到有三文魚、鵝肝、櫻花蝦等食材。
呢包S2特色紙包花膠蜆湯幾特別，直接用透明紙包放上鐵板煮，因為食咗咁多嘢，都想飲返啖湯，湯頭清甜、花膠算大件嫩滑，冬菇肉夠厚，飲完之後，店員話原來呢個湯都可以打包。
泡芙
35 views
0 likes
0 comments
甜品：泡芙，一啖一口，現成貨，無乜特別。
食咗2個餐、1杯18層海膽杯及1枝啤酒，如果本身已做緊嘅優惠價埋單要$2,1xx，依家5折咗後埋單接近$1,400，我就覺得抵食，因為食物份量都真係算幾大份。
打包咗2盒分别有鐵板海膽醬芝士焗龍蝦同S2特色黃金炒飯、1盒日本鮮魷魚、北海道毛蟹及野菜、1盒錫紙焗雜菌，我就攞咗第1款1盒同第2盒，就算第二日生日正日食都好好食。
Post
