掌門雞 (Closed)

隔咗一排無嚟嘅荃灣食雞熱點，再次嚟食估唔到味道比上次更進一步，誠意同服務都非常令人滿意！上次試過覺得炸雞肉質有點鞋，今次真係嫩左好多！🤤法式原味烤雞(半隻) $168金黃色嘅外皮、色澤均勻嘅肉身、單翼朝天嘅美妙姿勢，外表就一定攞高分，內在亦都係令人滿意，香料嘅味道滲晒入雞肉裡面，咬落香口而又多汁，肉質偏嫩唔會烤得太老啱啱好👍🏻。🤤泰式青咖喱蝦球 $208加配烤壓白麵包 $18足料又大份嘅青咖喱蝦球，青咖喱味道非常濃郁少少甜加少少辣，蝦球夠大隻啖啖肉，額外點嘅烤壓白麵包本身已經帶有少少甜味，撈埋青咖喱一齊食係令人越食越開胃。🤤XO醬炒西蘭花 $78西蘭花口感爽脆，撈埋XO醬夠香口，菜色雖然簡單但味道都無令人失望。🤤熱檸檬蜜，菠蘿汁 各$38今次就無點特飲，兩杯飲品正常發揮無失手。🤤芒果黑糯米飯 $68呢個就最啱甜品當飯食嘅我，鮮甜芒果肉加埋煙韌嘅黑糯米飯，呢碗飯我可以爬好多碗😃。😍掌門雞蛋糕配日本雪糕 $58每次嚟都必點嘅笑哈哈蛋糕😂，雞蛋糕烤依然咁香口，配埋士多啤梨同日本雪糕，口感夠晒豐富。