掌門雞 (Closed)

掌門雞 (荃灣)📇地址：荃灣大河道98號如心廣場二期2樓211號舖🕐營業時間：已結業💸人均消費：～$150-200/人👏🏻抵讚位：坐得幾舒服，鋪位好大，枱同枱之間唔會覺得好逼。新開個陣食，佢用個app登記左做會員有八折，平左少少，都算可以接受嘅價錢🍴Food QC：「麻香手撕雞拌日本拉麵 $88」 啲拉麵好彈牙，啲手撕雞除左有麻醬香味都有少少酸酸辣辣，所以食落又唔會好濟，係好食嘅「日式雞皮餃子 $48/6隻」我第一次食雞皮餃子，所以覺得好好食😂 一咬落去，啲油標出黎，雞皮勁脆，餃子啲餡都唔少😆「掌門網紋春卷 $48」炸春卷來講冇乜特別「法式原味烤雞 $168/半隻」上枱都熱辣辣，香料味唔係好重，雞肉都好嫩滑，就算係啲雞胸都唔嚡，食半隻其實都唔係好夠喉😂😯有待改善位：Staff嘅人手唔少，但都要fing幾下等一陣先有人埋到黎，呢方面可以加強下😼私心回應區：呢間餐廳新開張嘅時候食完一次，覺得質素唔錯，但喺商場入面佢個位置可能唔係好顯眼，所以唔係吸引到好多客人，過幾個月就發現佢執咗笠🙈

最近荃灣如心個邊新開左間餐廳掌門雞，呢間餐廳主要食雞。 環境好大 ，位置都好多，裝修偏向日式。 佢烤雞有好多唔同款式其中特就試左泰式風味烤雞。佢半隻既份量都好大隻，佢有d開胃既配菜 仲有泰式既醬汁。雞皮烤到好香脆，雞肉十分嫩滑，保留到肉汁。配埋泰式醬汁 ，好惹味好開胃。 泰式紅咖喱(軟殼蟹)泰式紅咖喱份量十足，味道十分正宗。入面有唔少蔬菜，茄子十分入味。另外配左軟殼蟹，一黎到都有d意外 ，竟然係2隻原隻軟殼蟹。真係好大份好抵食。 炸到好香脆 配埋咖哩好夾。另外都加配左白飯同香草包，白飯配咖哩十分配，另外香草包都整得好好食，好鬆軟 ，淡淡香草味，食咖哩一定要加配。 沙嗲雞肉串(6串) 配有開胃菜同沙嗲汁。雞肉肉質唔會鞋口 ，烤到好香，沙嗲味十足。呢個小食一定要叫。芒果黑糯米飯呢個甜品比較細份，但其實岩岩好，食左好多野之後甜品細細份十分好。黑糯米十分煙un,表面椰汁甜甜地，芒果新鮮，呢個食落一d都唔膩。檸檬茶茶夠味，檸檬新鮮唔太酸，偏向正常口味。 整體佢全部野食都好好食，份量都好多，十分驚喜，佢偏向多國菜式，價錢合理抵食，十分推薦。

掌門雞以「雞」為主題，用唔同烹調方式製作雞，令人眼前一亮，雞全部都係雞，但又千變萬化食極唔厭嘅感覺。餐廳空間大，日系裝修簡約，環境舒適而且裝修得靚仔。仲有全日驚喜優惠，美式香料/泰式風味烤雞，堂食同外賣都極優惠。泰式烤雞烤雞外皮烤到金黃香脆，泰式風味突出，肉質嫩滑，配泰式酸汁同沙律，酸酸咪咪開胃好味。海南雞賣相靚仔，例牌嘅份量已經非常足夠，雞皮細膩，雞肉嫩滑，底下鋪咗青瓜片同花生米，配合黑醬油、薑蓉蒜泥同辣椒醬，令雞肉更惹味。韓式炸雞(蒜香蜜糖汁)食雞主題餐廳又點可以少咗炸雞，呢度韓式炸雞有四隻口味揀，分別係甜辣、橙味、蒜香蜜糖汁、南蠻，我哋揀咗蒜香蜜糖味，炸雞肉質juicy唔鞋，皮脆香且充滿蒜味，蜜糖汁調味很惹味。掌門雞蛋糕配日本雪糕，我哋揀咗紅豆餡，新鮮製作勁香蛋味，非常推薦！椰青飽滿多汁，口感清甜。

經過見到全店照價八折，晚市都做到正價再八折真係好抵，所以入去試一試！原來入到去餐廳好寬敞，兩個人都坐咗四個人嘅位仲好闊落！見到間餐廳主打食雞，唔同種類嘅雞都有！韓國炸雞，海南雞，焗雞，乜都有！除咗食雞之外，仲有其他菜式真係咩種類都有！點咗一個例牌無骨海南雞，霸氣軟殼蟹跟沙律菜，6品小食拼盤，掌門雞蛋糕配日本雪糕。無骨海南雞肉質好鮮嫩，最緊要係無骨方便食，點埋佢個醬一齊食，甜甜辣辣咁，仲滑到不得了，仲要冇乜肥膏！！軟殼蟹跟沙律菜勁大兜，有成兩隻超大軟殼蟹，仲要炸到外脆內軟。試過出邊食有啲軟殼蟹入邊洗唔乾淨好臭，但係呢一間絕對冇！小食拼盤有好多款，有水牛城雞翼雞皮餃子炸蝦薯餅等，全部都係香口嘢，所以都叫番一杯好Fresh嘅青檸梳打! 仲叫咗一杯士多啤梨奶昔，冇想像中咁甜，啱啱好！而個甜品掌門雞蛋糕仲要係即叫即整仲有兩個哈哈笑可以打卡！雞蛋糕熱辣辣，配埋凍冰冰嘅日本雪糕，正！餐廳逢星期一至四都有照價八折，兩個人為返都係四百幾蚊好抵，仲要碟碟都勁大兜，抵食！星期五六日都仲有八五折添！

餐廳主題是雞🐥，任何雞菜式都有，好似烤雞、韓式炸雞、海南雞、雞煲、口水雞、手撕雞、親子丼或甚至雞皮餃子都有🤯。全部都係雞🐣。但其實除了雞，還有很多其他菜式，例如各款咖喱、沙律、牛扒、意粉、漢堡、拉麵、多款小食等等，種類繁多，總有款合你口味。而環境相當闊落，餐廳面積好大，大到可分三個area。‖ 朱古力奶昔 ($58) ‖賣相吸引😍，朱古力好濃，面頭忌廉綿滑好味😋。唯一缺點細杯了一點，我想要大大杯🤤。‖ 意式酥炸墨魚鬚配秘製他他醬 ($98) ‖熱辣辣脆卜卜，墨魚爽嫩甘鮮，好喜歡😋，一道好好的開胃小食😍。‖ 法式原味烤雞(半隻) ($168) ‖雞肉十分嫩滑多汁，好水嫩💦。吃到雞的鮮味，沒有太多調味，鹹度適中，但雞皮烤得不算香脆。‖ 韓式炸雞(橙味)(8件) ($98) ‖橙味的韓式炸雞比較少見。大大一碟，炸得金黃香脆，件件雞塊都沾滿橙醬汁。味道一流😋，香橙味炸雞好好食😍😍，必點🤤。‖ 掌門雞蛋糕配雪糕 ($58) ‖點了原味，即雲呢拿雪糕。雞蛋糕好香蛋味😋，質地實實地，又帶點鬆軟，口感好好。還有鮮忌廉和香蕉、士多啤梨及藍莓伴碟。開心☺️。

喱問餐廳以其多種風味既雞肉料理而名，不過睇完餐牌就發覺除咗雞仲有其他西式，日式嘢食！係一間多國菜餐廳！ 我們兩個人戲唔左蒜香蜜糖炸雞、泰式風味烤雞、炸軟殼蟹漢堡，仲有2款甜品，有芒果西米露和超可愛雞蛋糕拼雲呢拿雪糕。另外，仲叫左杯椰汁芒果特飲同椰青。蒜香蜜糖炸雞。外皮酥脆，雞肉嫩滑多汁，炸雞肉經過特殊調味，炸製，令外層金黃酥脆，亦保持著鮮嫩口感。泰式風味烤雞，一上枱已經香氣四溢，食落肉質亦鮮嫩多汁。泰式調味料帶有辛香，微辣風味！炸軟殼蟹漢堡，軟殼蟹外層酥脆，內部鮮嫩。漢堡的選用了鬆軟麵包，最值得真係搽咗牛油，超級香！入邊嘅生菜同蕃茄都好新鮮！薯條已經好脆口！喱一味絕對係驚喜菜！甜點方面，芒果西米露酸酸甜甜，西米露有咬口！而雞蛋糕拼雲呢拿雪糕真係不得了，用$58嘅價錢食呢個甜真係好抵，因為有成3款生果，香蕉士多啤梨同藍莓，又有蛋糕又有雪糕！而且雞蛋糕外脆內軟，超好食！餐飲方面，有椰汁芒果特飲和椰青。椰汁芒果特飲結合左新鮮椰汁同香甜芒果，每啖都充滿滿滿既水果風味。椰青則係種天然飲品，清甜解膩！

餐廳空間感大木系裝修簡約坐位寬敞舒適QR code落單 清晰方便快捷甜品可以後上 餐牌款式類型選擇多元化風味涵蓋東南亞同歐陸風主角雞 有烤雞 海南雞 雞煲 炸雞法式原味烤雞 (半隻) $168雞皮烤至金黃香脆 肉質口感嫩滑麻香手撕雞拌日本拉麵 $88日式中華冷麵 開胃手撕雞 蕃茄 青瓜絲 份量多軟殼蟹漢堡包跟脆薯條 $118原隻軟殼蟹呈現係你面前 幾壯觀包用牛油煎過 夾住蕃茄生菜同沙律醬汁鹽味粗薯條量多酥脆掌門雞蛋糕配日本雪糕 $582粒原味雞蛋糕另有朱古力/ 紅豆味雞蛋糕可愛雞蛋形 加上心心眼表情朱古力味雪糕 冇得揀雪糕口味雞蛋糕外脆內軟伴碟有海量生果芒果黑糯米飯 $68椰汁慷慨但是日芒果偏酸 而且薄過檸檬片原本想叫Tiramisu 但已售罄...蔓越莓汁 $38冰凍酸莓汁 女士健康恩物

掌門雞近期有烤雞優惠，一於食即叫即烤的烤雞先。食肆空間非常大，座位又寬敞，適合一大班人聚會。望住個大焗爐整烤雞，即刻流晒口水啦依度只要用手機掃code就可以落單，非常方便。首先第一樣食物係泰式風味烤雞-半隻（即叫即烤）雞皮做到炸子雞般嘅香脆雞肉非常嫩滑多汁，熟度岩岩好。又有香茅等泰式香料的香味，就算不點醬也夠味另外附上嘅醬汁有香濃嘅芫荽味，酸酸甜甜幾特別。就算雞肉有較乾的位置，點醬後都即刻冇咁乾配菜係辣沙律，當中有比較少見的豆角，食落幾得意跟住係當日好多枱都叫的-軟殼蟹漢堡包，跟脆薯條漢堡size仲大過手掌而且材料十足，大大隻的軟殼蟹外脆內嫩漢堡中間佈滿色彩繽紛的蔬菜，大大增加口感當中有醃青辣椒，如果成個漢堡食的話係少少辣，係after taste 的辣。單獨食就幾辣架面包鬆軟，外面烘得香脆又有香濃嘅牛油味成個漢堡咬落去嘅感覺係軟、爽、脆、香每一個層次係一層一層咁出嚟配料方面，粗薯條係新鮮炸起，熱辣辣最好食😋甜甜地的黑醋醬沙律亦分外滋味麻辣口水雞撈拉麵口水雞辣度可自行選擇，今次叫小辣，麻比辣多嫩滑的雞件大大舊，份量十足。味道較淡，加上口水雞醬才好食日本拉麵爽滑有口感，撈面一流令人驚喜嘅

環境好舒服，裝修新淨，坐位闊落，2個人俾4人位我哋坐，侍應態度都好nice!叫左一碗日式香煎雞扒拉麵+泰式紅咖喱雞飯配煎太陽蛋+ 日本蟹肉忌廉薯餅。3樣都幾好食，咖喱雞飯唔係好辣(食到譚仔10小辣一定食到)，薯餅炸得好靚好脆，外脆內軟，最有驚喜係拉面，面彈牙偏多，雞湯唔似傳統咁咸，仲好大碗！煎雞扒好香下，但如果唔浸落湯，分開上可能會更好。坐左好耐下都無趕人走，成個用餐過程好舒服，有d似坐Cafe個種感覺

朋友介紹來到荃灣掌門雞食晚飯，店面裝潢吸引，掌門雞三個字亦都好有氣勢！進店後餐桌闊落舒適，餐牌色彩繽紛相當吸引，選用手機落單十分方便；我當然點了我至愛嘅無骨海南雞加個油飯，再加上軟殼蟹沙律和青咖哩炸魚塊，飲品方便特別抵，有買一送一嘅corona啤酒！我當然唔會錯過啦！而朋友點嘅椰青亦都好清甜，連椰肉都可以挖出嚟食！超正！無骨海南雞除咗雞翼之外真係完全冇骨，咬落香滑，一啲都唔嚡！用嚟送油飯絕對係一絕！軟殼蟹有兩大隻，炸得乾爽脆口，冇油淋淋嘅感覺；連沙律一齊食清新得嚟又有濃濃嘅香脆和蟹味！青咖哩用咗唔同嘅蕃茄，青檸和矮瓜仔炮制，食落青甜，加上炸得脆脆嘅魚柳，索滿青咖哩味！食落有不同嘅層次感，鬆脆香軟多汁！最後我哋點咗個香芒黑糯米飯和掌門雪糕做甜品！香芒鮮甜，椰汁香濃，再加埋煙韌嘅黑糯米，簡直就係絕配！而掌門雪糕嘅擺設實在靚到唔捨得食！紅豆糕表面脆脆入面淋滑再加上冰凍嘅朱古力雪糕同埋滑一滑嘅甜忌廉，令人有一種回味無窮嘅感覺！也正好為這個晚餐劃上一個完美嘅句號。

位於荃灣如心嘅多國菜餐廳，店內環境高雅寬敞，店家主打雞嘅料理，用多種烹調方式呈現雞嘅菜式，泰式韓式美式應有盡有，而且店員服務都好好，食雞愛好者必去👍🏻🤍掌門無骨海南雞例牌雞肉白淨鮮嫩，而且無骨，肉質綿密，有入口即化感，加上特製嘅海南醬，酸甜鮮香🤪🤍沙嗲雞肉串雞肉串烤得啱啱好，表面啲焦香令人垂涎欲滴，食落嫩滑多汁嘅肉質，同埋濃郁嘅沙嗲醬，令人回味🤤🤍彈牙蝦餅蝦餅炸得金黃酥脆，一口咬落，彈牙嘅口感令人驚艷，而且蝦肉鮮美，香氣四溢，配埋特製醬汁，口感豐富😋🤍香煎豬頸肉豬頸肉煎得恰到好處，外脆內嫩，入口嗰陣有種濃郁嘅豬肉鮮甜味，而香料嘅調味，令整個味道更加豐富😍🤍XO醬炒西蘭花西蘭花爽脆嫩滑，用咗辣辣嘅XO醬嚟炒，食落除咗惹味之外辣辣嘅味道仲好刺激味蕾，十分開胃🤪🤍青檸梳打一杯清新嘅飲品，酸酸甜甜，青檸嘅酸味同氣泡水嘅氣爽感，加埋啲冰塊，飲落消暑又解渴😌🤍椰青椰青清甜無比，而且仲好大個，飲落過癮又夠飽，嗰種天然嘅清甜令人無法抗拒，係消暑嘅最佳選擇👍🏻🍚👨‍🍳 掌門雞 (荃灣)📍 荃灣大河道98號如心廣場二期2樓211號舖#hkfoodie #hkfood #香港美食 #foodie #hkig

掌門雞一聽個名就知道主打雞，入到嚟，冇理由唔食雞！各類做法嘅都有，海南雞、烤雞、雞煲、炸雞、咖喱雞等等，選擇好多，唔怕揀唔到！新開餐廳，環境空間大，坐得很舒適。服務都好好，見到有BB，會主動問要唔要小朋友餐具！用QR Code落單，很方便，叫咗海南雞、韓式炸雞、雞皮餃子、炸墨魚鬚同埋一個甜品雞蛋蛋糕配雪糕！飲品叫咗雜果賓治、同埋椰子菠蘿特飲～雞皮餃子第一次見到有雞皮包嘅餃子，本身都好鍾意雞皮嘅我，就想試吓！非常有驚喜，真係成塊大雞皮包住，肥美嘅雞皮炸得香滑，很好吃，鍾意食雞皮嘅係必嗌！！酥炸墨魚墨魚配他他醬，他他醬很滋味！墨魚份量也不少。無骨海南雞雞肉不肥，啖啖肉，例牌份量也很足夠二人！需要配搭甜豉油、薑、辣醬吃！韓式炸雞炸雞口味係蒜香蜜糖汁，呢個炸雞有被驚艷到。無骨的，外皮炸得非常香脆，雞肉一點也不鞋，超級滑嫩有汁。炸雞是暫時吃過之中數一數二的好吃，係會再想再黎吃的一間！十分推薦！！雞蛋蛋糕配日式雪糕呢個係招牌之一，確實一啲都唔失望。可以選擇後上！雞蛋蛋糕送來既時候仲係熱的，配雲呢拿味雪糕，一熱一凍真係好好食！同埋賣相真係好適合打卡影相！兩杯飲品，推薦Virgin Colada，菠蘿

雞，係一種非常常見嘅食材，好多地方都有唔同既煮法。但呢間掌門雞居然有齊唔同特色雞嘅煮法，包括炸雞，烤雞，海南雞，雞煲等，緊係要黎一試究竟啦。涷檸蜜，Fruit PunchFruit Punch有菠蘿，石榴等水果嘅味道，清新得黎，入口特別爽。法式原味烤雞烤雞新鮮烤焗，旋轉式烤爐令雞受熱平均，烤得啱啱好。半隻份量都唔少。雞皮烤到金黃色，香脆可口。雞肉嫰滑，鎖住肉汁，再點上烤汁，相當好味。日式肥牛拉麵肥牛唔會只得肥膏，牛味尚可，肉質唔錯。拉麵有蛋香味，有咬口，正是我喜愛嘅質感。大量葱花，流心温泉蛋，木耳絲都令拉麵增添口感。6品小食拼盤賣相吸引，可以試齊6款炸物。其中雞皮餃子皮薄有湯汁，有驚喜芝麻雞翼外脆內滑芒果黑糯米飯黑糯米飯口感軟糯，芒果清甜，正。雞都有咁多種烹調方法，喜歡食雞嘅朋友，可以一試。

我一直都以為荃灣剩係得街邊嘅餐廳出名，呢日行商場行到攰攰地見到如心廣場二期有間睇落錯嘅fusion 餐廳就入去試吓，間餐廳面積好大，位置坐落去很寬敞，除咗餐廳嘅部份仲有bar，睇嚟有時飲杯嘢同朋友吹水都可以😆🔎 掌門無骨海南雞（半隻） $168呢個價錢算係物有所值，海南雞基本要配嘅醬汁佢都配備左，食落去雞肉好嫩滑，另外雞皮都去晒毛，唔會感覺食落去好核突🫢，用嚟送白飯或者油飯都一流😋🔎 香煎豬頸肉 $78起菜速度都算快，食落去熱辣辣，應該係即叫即整，唔會煎得好燶，用嚟做小食配酒/ 椰青咁樣so chill😃🔎 泰式紅咖喱配軟殼蟹 $138佢啲紅咖喱唔會去到好辣，個味道都啱香港人口味，另外無論係配菜定係軟殼蟹都份量十足，我冇諗過$138 會有三隻原隻軟殼蟹，仲要炸得勁脆勁香口，另外啲配菜薯仔茄子都多到食唔晒，高質推介，一班人食飯嘅話一定要叫佢👍🏻👍🏻👍🏻🔎 芒果黑糯米飯 $68食泰國菜點少得泰國甜品芒果糯米飯，食落去唔會好油膩，芒果亦都好鮮甜🤓🔎 掌門雞蛋糕配日本雪糕 $58佢呢個自家製嘅蛋糕，即叫即焗所以需要啲時間，我哋嗰日叫完後起都要等大約15分鐘，所以想食嘅話可能要預返個時間，食落去

呢間餐廳叫掌門雞，全部菜式都有雞😆呢間餐廳好大，坐很好舒服，一啲壓迫感都無！我哋叫左：1. 小食拼盤2. 泰式燒雞半隻3. 親子丼4. 掌門雞蛋蛋糕配日本雪糕5. 2杯soda water6. 可樂1. 小食拼盤小食拼盤有6款炸物1款配菜我最中意嘅係炸忌廉薯蓉餅😆 外脆內軟，個口感一流！蝦餃非常彈牙、雞翼好juicy、雞皮餃子好香口、網紋春卷好酥脆❣️個蘿蔔沙津好清新，食完炸野之後再食好舒服2. 泰式燒雞半隻個賣相好靚！隻雞夠底味，燒到岩岩好，而且好juicy，一啲都唔乾份雞都都蘿蔔沙津，同小食拼盤完全唔同味，呢個係泰式雞腳果隻味，好有泰國風情3. 親子丼食完泰式，即刻又有日式料理🤣啲雞肉好tender，而且蛋液撈埋個飯度食，真係好滋味。 仲有少少紫菜調味，同系日本食差唔多🎌4. 掌門雞蛋蛋糕配日本雪糕呢個蛋糕叫起即做，要少少時間，想無縫銜接的話，食到甘上下就要叫起由於即叫即做嘅關係，個蛋糕熱辣辣，真係好好食！而且雪糕好凍，超級冰火！個甜品最底層仲有好多水果：香蕉、士多啤梨、藍莓🫐5. 2杯soda waterSoda water好夠氣，我加左小食拼盤塊檸檬入去，更加refreshing