手拉麵小廚

Open Now

Now Closed

好難得做野過晒lunch time，聽之前介紹呢間野嘅上海野好味，就膽粗粗一個人來試下。舖頭細細，行過都唔覺眼，推門入去，下午兩點七、八都坐行晒，坐位唔多，廿個都爆，好彩自己一個，搭枱就ok！睇到餐牌，見到個羊字就興奮，就叫左碗羊肉搶湯拉麵。但當日我朋友係介紹餃子俾我，但我睇極都無，亦唔係吸引，我坐左半個鐘之後，終於都記得出名係小寵包，人人都叫，隔離枱四個女仔，一人一籠，勁！等我下次都要試下！講番我個麵，賣相已經好吸引，又熱辣辣，羊湯好濃郁，係有so味，食羊重點係要有so味，少少「un」係可以接受，因為配埋椰菜絲，中和濃郁so味，正！加上D麵軟硬適中，入晒味（唔係即叫即上枱，係真係等佢係廚房拎出來），麵條一咬就斷，加埋D湯入口，簡直係完美！我相信會係不久將來，再去試番佢個小籠包，一定係好好味！走時，有對情侶都走，佢地都只係叫左兩籠小籠包，食完就走，我絕對相信係正野！