鉄人旨花

Open Now

Now Closed

上星期週年紀念，男朋友係鉄人旨花訂左位同我食omakase。餐廳裝修雅緻舒服，分左壽司吧同鐵板燒枱兩部分。前菜有熊本蕃茄、富山螢光魷魚、鮟鱇魚肝。蕃茄上面撒左淡雪鹽黎提鮮，食落更加鮮甜美味。螢光魷魚肉身多汁煙韌，而觸鬚部份爽口。 鮟鱇魚肝口感細膩綿密，入口即化。沙地魚薄切 - 刺身伴土佐醋啫喱，肉質好滑溜 。赤貝、燒太刀魚, 同池魚 - 赤貝肉質爽厚，池魚爽脆清甜、燒太刀魚肉質肥美結實。澳洲青龍蝦 - 主角出場，擺盤好靚，除左wasabi外，亦可加青檸汁或者岩鹽。龍蝦鮮甜，肉身彈牙。白鱈魚– 肥美滑溜，口感結實，有咬口。鳥貝、伊左目、深海池魚、青鯛、赤龍、青魚海苔、燒拖羅 - 魚既種類都好特別，賣相吸引，新鮮富光澤。鳥貝肉厚、伊左目，口感軟身，魚香味濃。燒拖羅厚切有口感，冇根好肥美。北海道馬糞海膽飯 - 海膽鮮甜無澀味，味道濃厚甘甜，入口即溶。龍蝦湯 - 味道清甜雜果杯 -每種顏色有唔同的口感與味道，酸酸甜甜，味道清新，為呢餐劃下一個完美的句號。