Video
Read full review
2023-03-26
24 views
好耐冇食過放題，今日趁放假同朋友嚟到中環試下期待已久嘅牡蠣放題。呢間餐廳嘅牡蠣係由日本北木島養殖場直送，上網睇過日本有多間米芝蓮餐廳都係選用呢個養殖場嘅牡蠣，感覺食落都幾放心。因為唔想食得咁趕，所以揀左$498食90分鐘前菜：喜多嬉九品 (9/10)九宮格陣式嘅前菜，賣相非常吸引- 賣相最靚嘅係天婦羅紫蘇葉配吞拿魚蓉 (8.5/10)，一口咬落有雙重口感，幼滑嘅魚蓉混合香脆天婦羅紫蘇葉，而且唔覺得油膩- 手工月見燒鳥丸 (9/10) 係我覺得九品中最好食之一。個鳥丸好厚身，未點蛋液前先試一啖，濃郁的雞肉香充斥著整個口腔。之後再沾啲蛋液嚟食，個鳥丸口感會更滑，更加蛋香，配搭一流。有啲可惜嘅係只得一粒同埋放題入面唔見有得揀，如果唔係都想再食- 牡蠣刺身 (9/10)：刺身肥大肉厚，配埋土佐酢啫喱，酸酸嘅柚子醋，蘿蔔蓉同蔥花，完全帶出牡蠣嘅鮮甜，但仍食到海水嘅鹹香燒牡蠣，燒帆立貝 (9/10)燒牡蠣同帆立貝嘅火喉啱啱好，唔會覺得乾柴，仲覺得一樣都好juicy。旁邊有xo醬，孜然醬，同蒜蓉可以點。我就比較喜歡加蒜蓉，惹味得嚟又唔會搶左海鮮嘅鮮味燒物除咗有常見嘅豬頸肉，羊架，雞串之外，仲有好多平
好耐冇食過放題，今日趁放假同朋友嚟到中環試下期待已久嘅牡蠣放題。呢間餐廳嘅牡蠣係由日本北木島養殖場直送，上網睇過日本有多間米芝蓮餐廳都係選用呢個養殖場嘅牡蠣，感覺食落都幾放心。因為唔想食得咁趕，所以揀左$498食90分鐘
前菜：喜多嬉九品 (9/10)
九宮格陣式嘅前菜，賣相非常吸引
- 賣相最靚嘅係天婦羅紫蘇葉配吞拿魚蓉 (8.5/10)，一口咬落有雙重口感，幼滑嘅魚蓉混合香脆天婦羅紫蘇葉，而且唔覺得油膩
- 手工月見燒鳥丸 (9/10) 係我覺得九品中最好食之一。個鳥丸好厚身，未點蛋液前先試一啖，濃郁的雞肉香充斥著整個口腔。之後再沾啲蛋液嚟食，個鳥丸口感會更滑，更加蛋香，配搭一流。有啲可惜嘅係只得一粒同埋放題入面唔見有得揀，如果唔係都想再食
- 牡蠣刺身 (9/10)：刺身肥大肉厚，配埋土佐酢啫喱，酸酸嘅柚子醋，蘿蔔蓉同蔥花，完全帶出牡蠣嘅鮮甜，但仍食到海水嘅鹹香
燒牡蠣，燒帆立貝 (9/10)
燒牡蠣同帆立貝嘅火喉啱啱好，唔會覺得乾柴，仲覺得一樣都好juicy。旁邊有xo醬，孜然醬，同蒜蓉可以點。我就比較喜歡加蒜蓉，惹味得嚟又唔會搶左海鮮嘅鮮味
燒物除咗有常見嘅豬頸肉，羊架，雞串之外，仲有好多平時少見嘅例如雞心，燒魚乾
燒雞心串 (9/10)
今次係第一次試雞心，原來非常香，又唔會太肥膩，好好食
燒味醂魚乾 (8.5/10)
本身唔太喜歡吃魚乾，估唔到今次咁喜出望外。魚乾切得幼細，唔似其他魚乾又硬又韌又難咬開，加左醬汁燒成嘅魚令魚香更加突出
燒羊架 (9/10)
呢間餐廳燒物嘅火候控制非常出色，燒羊架肉嫩多汁，醃嘅味道非常香，唔使點任何醬汁都已經好好食
牡蠣秘製撈五島手延烏冬 (9.5/10)
呢個撈烏冬嘅汁係用牡蠣blend爛而成，口感好creamy，每啖都充滿住牡蠣嘅味道，有啲似食緊carbonara，烏冬亦好爽滑彈牙，真係非常出色，極力推薦
飲品就叫咗餐廳自家製嘅冷泡茶：茉莉薰花茶同埋白桃烏龍茶，白桃烏龍茶有淡淡嘅白桃清香，另外果款朋友都話唔錯。
💰人均: $550
📍喜多嬉牡蠣屋 (中環)
中環擺花街1-7號一號廣場地下9號舖
#hkfoodie #hkfoodies #hkfood #hkfoodblogger #hkfoodlover #hkfoodig #hkfoodielife #hkfoodgram #hkfoodsnap #hkfoodguide #hkrestaurant #hkrestaurants #foodiehk #foodielife #美食推薦 #香港美食 #香港餐廳 #相機美食 #foodxshel_中環 #中環必食 #喜多嬉かきコース #90分鐘任食日本直送牡蠣 #袐製牡蠣濃湯 #牡蠣 #日本直送 #放題 #居酒屋 #中環 #中環美食
Post
