Video
Read full review
2022-05-14
90 views
小弟出去食飯，主要選擇麵食；麵食之中，有人喜好日式拉麵，有人鍾意義大利麵，總之鹹魚青菜各有所好。呢間海．三碗麵，一直系小弟其中一間想試的舖頭；店舖主打中式（或者應該叫港式）伊麵，配菜有薄切牛肉片，湯底分別有濃蝦湯底，金華火腿湯底同埋豬骨湯底。整個配搭，令小弟覺得新奇。 想話呢間系日式拉麵舖？不論材料同烹調方式，都同其他日式舖頭唔同。您覺得伊麵系港式食物？成套麵食煮完出黎之後，又有少少日式的擺盤風格...總之，成件事吸引到小弟專登抽時間幫襯。但系，您要幫襯ge話，要有先排至少一小時隊ge心理準備。系呢間小店的唯三款湯底之中，呢次先揀金華火腿湯底，為小弟打響頭跑。見到老闆會分好每位客人能夠享受的薄切牛肉份量，然後加上蔥花，櫻花蝦以及少許油，再將其中一面肉片用火槍稍稍燒熟。至於伊麵，老闆會以日式拉麵的煮法烹調，分好每位客人的伊麵份量後，最後同樣系碗面加上少許蔥花。成間舖淨系得老闆１個人，由系出面排隊到等老闆煮完碗麵，足足等左１個半小時。但系老闆非常好記性兼好好禮貌之餘，又唔會求其快手整碗麵出黎就算數。換句話講，老闆「慢工出細貨」換黎小弟食得舒服的感覺。先講薄切牛肉，由於一面生一面熟ge關係，
呢間海．三碗麵，一直系小弟其中一間想試的舖頭；店舖主打中式（或者應該叫港式）伊麵，配菜有薄切牛肉片，湯底分別有濃蝦湯底，金華火腿湯底同埋豬骨湯底。整個配搭，令小弟覺得新奇。
想話呢間系日式拉麵舖？不論材料同烹調方式，都同其他日式舖頭唔同。
您覺得伊麵系港式食物？成套麵食煮完出黎之後，又有少少日式的擺盤風格...
總之，成件事吸引到小弟專登抽時間幫襯。
但系，您要幫襯ge話，要有先排至少一小時隊ge心理準備。
金華火腿濃湯伊麵 配 薄切牛肉
3 views
0 likes
0 comments
系呢間小店的唯三款湯底之中，呢次先揀金華火腿湯底，為小弟打響頭跑。
見到老闆會分好每位客人能夠享受的薄切牛肉份量，然後加上蔥花，櫻花蝦以及少許油，再將其中一面肉片用火槍稍稍燒熟。
至於伊麵，老闆會以日式拉麵的煮法烹調，分好每位客人的伊麵份量後，最後同樣系碗面加上少許蔥花。
成間舖淨系得老闆１個人，由系出面排隊到等老闆煮完碗麵，足足等左１個半小時。
但系老闆非常好記性兼好好禮貌之餘，又唔會求其快手整碗麵出黎就算數。換句話講，老闆「慢工出細貨」換黎小弟食得舒服的感覺。
先講薄切牛肉，由於一面生一面熟ge關係，牛肉自然唔會太乾柴、太韌或者太生腥。小弟更佩服老闆，竟然淨系用火槍，就可以將成片牛肉燒到界乎三至五成熟。呢幾片牛肉，系小弟暫時食過ge牛肉之中最滑溜，而且帶有微微肉香。但對十級牛肉愛好者黎講，呢幾片牛肉可能唔多夠喉。
再講講主角－伊麵同湯底ge組合。
小弟系出面食連湯ge麵食，通常Ｄ湯鹹到只能令小弟早早投降，造成浪費；但系呢個金華火腿湯底，不但唔覺鹹之餘，更加帶有微微火腿的香氣同味道（小弟反而唔太想火腿湯底太濃郁）。
伊麵更加系小弟覺得大大加分的部分。出面師傅煮伊麵，唔系過分油膩，就系過粉乾身；小弟食伊麵ge時候，竟然覺得好似食緊日式拉麵，成碗伊麵十分滑溜，又唔會覺得「漏」。就算小弟扮斯文人，食得慢，伊麵都唔會索得太多湯汁，令到麵條過脹。
小弟再次強調，原來出街食伊麵，都可以覺得好舒服，好享受。
對於十級無耐性又怕排隊ge小弟黎講，如果最後排到食到Ｄ難食ge野，甘真系浪費大家時間。
呢間小店，從食物質素，到老闆親切有禮又用心的態度，都能夠令小弟好好享受呢碗出色到不得了的麵食；
無論下次要等幾耐都好，小弟一定會再幫襯。
Other Info. :
想試呢間海．三碗麵又唔想排太耐隊，平日（星期一至五）的下晝可能會好Ｄ
(The above review is the personal opinion of a user which does not represent OpenRice's point of view.)
Post
