Video
Read full review
2024-11-03
101 views
上排過著忙到只要求”果腹”續命嘅生活，忙完過後終於變返正常，同事加友人就即刻話要食返餐好嘅，放工後就黎咗呢間食潮菜。呢到環境佈局優雅，有圓枱/卡位，亦設有獨立房間，無論幾多人組合都適合。安排坐卡位，夠寬敞舒適，侍應先送上功夫茶作welcome drink，仲有菜脯及脆花生作小食。踏入初秋，梗加想多一點湯水，呢度嘅湯羹類以位計，可以各色其式。我就鍾情呢客老菜脯燉豬肚 ($78)。打開蓋見到煙飄出黎，熱度十足。材料豐富，有幾件豬肚，入口夠腍無異味; 深色嘅老菜脯入口唔咸，湯嘅味道帶點胡椒味，少少香辣味，飲完有些少暖胃感覺。而友人想飲清淡少少，火腿護國菜 ($78)就岩佢啦。以前傳統上係以(鷄油豬油)高油性封面，依加迎合健康飲食都會少油，以蕃薯葉打爛成蓉，入口比較清淡。呢客汕頭煎蠔烙 ($128)，出鏡率相當高，分別送上魚露及胡椒粉伴食。邊位煎得金黃香脆，中間部份滿佈蠔仔，隻隻都飽滿，沾D魚露加胡椒粉趁熱食，正正。香口嘢唔好比佢停，黎多客普寧豆腐 ($98)，一客有12件，相當抵食。香炸至金黃色，外型似炸魚片頭，點埋個蔥醋汁食，外脆內有豆腐嘅豆香味及嫩滑口感。去食潮菜多數食滷水嘢，見餐牌上有
呢到環境佈局優雅，有圓枱/卡位，亦設有獨立房間，無論幾多人組合都適合。
安排坐卡位，夠寬敞舒適，侍應先送上功夫茶作welcome drink，仲有菜脯及脆花生作小食。
踏入初秋，梗加想多一點湯水，呢度嘅湯羹類以位計，可以各色其式。我就鍾情呢客老菜脯燉豬肚 ($78)。打開蓋見到煙飄出黎，熱度十足。
材料豐富，有幾件豬肚，入口夠腍無異味; 深色嘅老菜脯入口唔咸，湯嘅味道帶點胡椒味，少少香辣味，飲完有些少暖胃感覺。
而友人想飲清淡少少，火腿護國菜 ($78)就岩佢啦。
以前傳統上係以(鷄油豬油)高油性封面，依加迎合健康飲食都會少油，以蕃薯葉打爛成蓉，入口比較清淡。
呢客汕頭煎蠔烙 ($128)，出鏡率相當高，分別送上魚露及胡椒粉伴食。
邊位煎得金黃香脆，中間部份滿佈蠔仔，隻隻都飽滿，沾D魚露加胡椒粉趁熱食，正正。
香口嘢唔好比佢停，黎多客普寧豆腐 ($98)，一客有12件，相當抵食。
香炸至金黃色，外型似炸魚片頭，點埋個蔥醋汁食，外脆內有豆腐嘅豆香味及嫩滑口感。
去食潮菜多數食滷水嘢，見餐牌上有豆醬焗嫩鷄 ($198)，就想試下。
以瓦煲上枱，可保持原煲熱度。隻鷄有幾大從隻鷄翼大少已知一二，鷄件斬成細件，方便容易掛汁入味，係做到嘅，食到豆醬嘅咸香味，醬汁上有層油，若然少油會仲好，可以用黎撈白飯食。
炒菜都要選擇帶點潮汕味，點客方魚炒芥蘭 ($138)。方魚入口卜卜脆，芥蘭應該選用芥蘭苗，每條都清脆無半點渣，入口食到清甜芥蘭味，對得住呢口價。
無限用餐時間，今餐可以慢慢食慢慢嘆。
Post
