Bingo & Cook (駱克駅) (Moved) New Location

真係好掛住去韓國🇰🇷旅行，由其我係酒店隔離完14日，真係好想食好西，所以就book 左Bingo & Cook。其實好耐之前一開業有係舊店食過，今次再食都係保持水準，餐牌仲多左醬油蟹。🦀蟹肉蓋飯🦀其實係醬油蟹肉拌飯，仲有半熟蛋，蟹子，韓國紫菜。唔識食蟹或者怕麻煩嘅人士必食，因為啖啖蟹肉，加埋蟹子脆卜卜，兩樣非常之夾，鮮味十足。鍾意佢嘅醬油蟹肉唔會超級濃味，仲食到蟹肉嘅甜同質感。🥘部隊鍋🥘好豐富嘅部隊鍋，由其我真係好鍾意食韓國拉麵同年糕，真係次次都一定食。入面嘅五花腩配合辛辣湯，食完都唔會覺得好肥膩。雖然入邊嘅材料唔係名貴食材，但呢個組合絕對係comfort food，令人食極都唔厭。🍗甜辣無骨炸雞半份🍗配合香港人嘅口味，唔會太辣，真係做到sweet and chili。半份都有六，七件雞，而且舊舊都啖啖肉。雞皮炸得香脆，雞肉仲好嫩滑Juicy。配合左兩個醬汁，不過就咁食已經好入味，點咗其中嘅蜜糖芥茉醬反而減咗辣味。🥛Oreo 奶昔🥛唔會太甜，飲到粉粒Oreo，但又唔會飲完飽左。🍺柚子Coronartia 🍺配合柚子非常清新，Corona 比較清淡，適合女生飲用，又解辣。