吃扒

Open Now

Now Closed

老友大力推介呢間扒房，話又平又好食。晏晝時間入到去，唔算多人。老友推介必食20cm 吉列豬扒，配熱溶芝士汁。再點多個牛眼扒，紅酒汁五成熟。一派懷舊豉油西餐風格，肉食先配西湯餐飽。肉眼扒先上，五成熟生得有啲誇張，有啲似三成。最好玩係當面幫你淋汁，炸一聲，磨菇雲起，細個時食鐵板餐嘅興奮返曬嚟。吉豬冇耐就上，一睇個份量已經好誇張，有厚又大。侍仔端著盆著住火嘅芝士汁，當你面淋落去，視覺效果贏曬。味道方面，牛扒就豉油西餐質素，冇乜驚喜，亦冇乜驚嚇。同花園餐廳同級。豬扒就真係勝在夠大，芝士汁冇乜驚喜，冇乜芝士味，應該只落左mozzarella, 味道淡似牛奶，配嘅薯菜，點芝士汁食亦都唔吸引。總括嚟講咁嘅價錢，喺旺角食咁嘅份量，抵食。味道就傳統豉油西餐，配方整個舖面80年代嘅紛圍，都算情懷之選。