峇里堂

Open Now

Now Closed

見到峇里堂鋪天蓋地嘅宣傳，於是同朋友一齊試試，點知就中伏。我哋一行八人前後腳到，其中四人已經坐低咗。我哋兩個想入去搵佢哋，點知就俾門口呀姐截住，話未齊人唔俾入去。我哋解釋話已經有人到咗，仲有兩個人嚟緊就到。呀姐就態度惡劣地不停重複”咁你宜家未齊人吖嘛”，點都唔俾我哋入去，如果坐低就要開始計時80分鐘。我哋話你可以照樣計時，反正唔差嗰幾分鐘。最後都係好唔情願地俾我哋入去搵已經坐低咗嘅朋友。之後每一位入座嘅客人都抱怨門口呀姐好惡趕客。食物方面有好有壞。咖央多好食，巴東牛肉都好正宗。不過所有食物嘅調味都偏甜，可能印尼菜都係咁樣。但係米飯唔夠水分非常硬，咬到牙較都軟。埋單每位$100。呢個價錢喺佐敦尖沙咀算平。但有其他更好嘅選擇，起碼唔洗受人氣，同埋對個胃都健康啲。