韓泰太

Open Now

Now Closed

小屋仔外牆粉藍加白底油畫好吸睛🥰，餐廳室內裝潢簡約精美又乾淨，喜歡貼近大自然嘅食客可以選擇室外🥰，室外佈置簡約，好有clamping氛圍，微風加上柔和燈光，令人感覺好舒服😍。窯燒雞加BBQ 任食，每位$278窯燒雞場外設有呢個特製瓦缸🏺，即叫即燒，製作需時，但絕對值得😍。燒雞🐓一上枱已經好吸睛，皮色油亮亮金黃色非常靚，雞皮焦脆香口，肉質十分嫩滑，用手撕開雞件時，金黃色雞油及雞汁不斷流出，雞味濃肉味鮮，仲有陣陣油香味，真係好食到停唔到口，而且仲可以任食，真係大癲😋。用掃QR code 落單📱，非常方便。任飲部份，汽水是自助形式，咖啡及茶就需要落單🥰。燒肉有泰式或韓式，同樣調得入味，味道各具特色😋。西冷🥩、牛肋肉🐂及牛板腱🐂有嚼勁，肉味重，豬頸肉🐖及五花腩🐖帶油香，肉質軟腍，薄切牛舌口感爽彈，香口。蒜蓉牛油野菌錫紙袋內放咗勁多蒜蓉🧄，野菌吸咗蒜蓉及牛油🧀香味，又香又juicy，熱辣辣🔥，正😋。其他素菜仲有雜菇、南瓜、粟米及菠蘿等，新鮮菠蘿清甜多汁，尤其好食。二百幾蚊可以任食窯雞，真心痴線，真係食兩隻都已經回哂本。