Video
Read full review
2023-08-21
42 views
今日去將軍澳探朋友，走嘅時候已經6點。老公話不如食埋晚飯先返屋企，朋友樓下有間食火鍋放題，咁佢就話食呢間啦。餐廳都幾大，乾淨企理。呢度夜晚可食晚飯小菜或火鍋放題，我哋就揀左火鍋放題。火鍋放題幾豐富，先黎刺身、餐前小食同雞煲，之後再揀湯底食火鍋，有鮮拼盤同埋其他火鍋配料。飲品除左啤酒要自費外，汽水在外面雪櫃自取任飲。刺身 (1客)：冰鎮三文魚，幾肥美。餐前小食：有蝦多士、豬紅、牛膀、雲耳同埋炸三文魚鰭，各款都好食。雞煲：可揀大中小辣，我哋就揀左小辣，食落幾惹味。藥膳醉雞鍋：鍋賣相傳統，呢度係用銅鍋，好香藥材同花雕酒味道，雞都唔少，老公好滿意。海鮮拼盤 (2人份)：有海蝦、蠔、花甲、鮑魚、龍躉同墨魚片，全部size都大隻，海蝦仲係生，入口鮮甜，龍躉厚實有口感，唔錯。肉類：有極上肥牛、黑豚肉同手打牛丸，肥牛同黑豚肉幾靚，肥瘦均勻，幾好食。手打牛丸好彈牙，牛味濃，我就幾鐘意。其他配料：有蟹柳、響玲、豆腐、金菇同蔬菜，蟹柳好大條，所有配料都洗得幾乾淨，菜新鮮爽口，連火鍋配料都好好。甜品：中餐竟然有Tiramisu食，正呀！另外雪櫃仲有布丁，任食唔嬲。
餐廳都幾大，乾淨企理。呢度夜晚可食晚飯小菜或火鍋放題，我哋就揀左火鍋放題。火鍋放題幾豐富，先黎刺身、餐前小食同雞煲，之後再揀湯底食火鍋，有鮮拼盤同埋其他火鍋配料。飲品除左啤酒要自費外，汽水在外面雪櫃自取任飲。
刺身 (1客)：冰鎮三文魚，幾肥美。
餐前小食：有蝦多士、豬紅、牛膀、雲耳同埋炸三文魚鰭，各款都好食。
雞煲：可揀大中小辣，我哋就揀左小辣，食落幾惹味。
藥膳醉雞鍋：鍋賣相傳統，呢度係用銅鍋，好香藥材同花雕酒味道，雞都唔少，老公好滿意。
海鮮拼盤 (2人份)：有海蝦、蠔、花甲、鮑魚、龍躉同墨魚片，全部size都大隻，海蝦仲係生，入口鮮甜，龍躉厚實有口感，唔錯。
肉類：有極上肥牛、黑豚肉同手打牛丸，肥牛同黑豚肉幾靚，肥瘦均勻，幾好食。手打牛丸好彈牙，牛味濃，我就幾鐘意。
其他配料：有蟹柳、響玲、豆腐、金菇同蔬菜，蟹柳好大條，所有配料都洗得幾乾淨，菜新鮮爽口，連火鍋配料都好好。
甜品：中餐竟然有Tiramisu食，正呀！另外雪櫃仲有布丁，任食唔嬲。
Post
