窩子

Open Now

Now Closed

平時lunch hour就會好full既窩子,要提早少少去攞位先食到。lunch menu係可以俾你揀任何一道熱食/沙律加$30配湯同野飲。可以加一份兩人share！慢煮手撕豬腩窩夫 $108窩夫有4大舊。重蛋香味，外脆內軟！水準不俗。手撕豬既份量店員好重手筆，食到啖啖肉。果gravy汁都唔錯，如果pulled pork再林啲就更好。鹹食配窩夫都唔錯。8小時慢煮豬軟骨飯 $138果飯一上到里嚇親我！3大條豬軟骨，第一次見原條上，份量又大。豬軟骨滷得好入味，軟骨入口即融，豬肉一啲都唔啲韌。送飯一流！跟餐仲有沙律送，可以俾肉食獸食返啲菜！是拉差蒜香口水雞扒意粉雞扒煎得啱啱好，仲係好juicy！意粉配埋蕃茄仔炒，酸酸辣辣，都算幾開胃。不過我唔太食得辣，成碟意粉同雞扒嘅辣度係譚仔10小以上。椰香忌廉香煎帶子意大利飯個意大利飯好似係食緊成罐椰漿咁。鍾意椰子嘅人可能岩食，不過我覺得個味太濃。好易膩。帶子煎得唔錯，加番分。