Video
Read full review
2021-07-16
85 views
星期日同朋友出銅鑼灣行街，佢帶咗我去百樂中心搵食。我哋嚟到17樓嘅「Layback Cafe & Bar」，原來餐廳之前喺尖沙咀開店，最近搬咗嚟呢邊，而朋友就一直以來都係座上客😉。餐廳環境唔錯，裝修幾Chill，最矚目嘅必定係後面彩色咕𠱸嘅塌塌米區🌈，不過男仔坐一定會腳痺，哈哈。其餘就係正常座位，餐枱亦夠大。同時，呢度放咗唔少盆栽，令人舒服。呢度名為Cafe，但所提供嘅食物種類繁多，唔係淨係得意粉同炸物👍。餐牌上有好多菜式都好吸引，如果一班人嚟食就好啦，可以試多幾款。食物定價合理，大部份項目都係百幾蚊就有交易。飲品選擇同樣豐富🍸，有鮮打水果茶、健康花茶、咖啡、沙冰同無酒精雞尾特飲等。餐廳暫時仍處理緊酒牌，遲啲仲會有酒賣添。大澳虎蝦乾配北海道帆立貝龍蝦汁意大利飯($168)，第一下見到大澳虎蝦乾覺得好特別😳，係「蝦乾」而唔係鮮蝦。原來當中有段故，老闆嘅屋企人係大澳人，所以特意將蝦乾融入菜式🦐。而出到嚟嘅組合亦毫無違和感，不比爽彈蝦肉遜色，因蝦乾嘅蝦味更強、更濃郁。帆立貝較為薄切，但食得出鮮味。🍚意大利飯難得地正宗，口感似足生米帶點硬，有别於港式多汁偏濕嗰種，再配合埋唔太鹹嘅龍蝦汁，整體係
星期日同朋友出銅鑼灣行街，佢帶咗我去百樂中心搵食。我哋嚟到17樓嘅「Layback Cafe & Bar」，原來餐廳之前喺尖沙咀開店，最近搬咗嚟呢邊，而朋友就一直以來都係座上客😉。
餐廳環境唔錯，裝修幾Chill，最矚目嘅必定係後面彩色咕𠱸嘅塌塌米區🌈，不過男仔坐一定會腳痺，哈哈。其餘就係正常座位，餐枱亦夠大。同時，呢度放咗唔少盆栽，令人舒服。
呢度名為Cafe，但所提供嘅食物種類繁多，唔係淨係得意粉同炸物👍。餐牌上有好多菜式都好吸引，如果一班人嚟食就好啦，可以試多幾款。食物定價合理，大部份項目都係百幾蚊就有交易。
飲品選擇同樣豐富🍸，有鮮打水果茶、健康花茶、咖啡、沙冰同無酒精雞尾特飲等。餐廳暫時仍處理緊酒牌，遲啲仲會有酒賣添。
大澳虎蝦乾配北海道帆立貝龍蝦汁意大利飯
$168
2 views
0 likes
0 comments
大澳虎蝦乾配北海道帆立貝龍蝦汁意大利飯($168)，第一下見到大澳虎蝦乾覺得好特別😳，係「蝦乾」而唔係鮮蝦。原來當中有段故，老闆嘅屋企人係大澳人，所以特意將蝦乾融入菜式🦐。而出到嚟嘅組合亦毫無違和感，不比爽彈蝦肉遜色，因蝦乾嘅蝦味更強、更濃郁。帆立貝較為薄切，但食得出鮮味。🍚意大利飯難得地正宗，口感似足生米帶點硬，有别於港式多汁偏濕嗰種，再配合埋唔太鹹嘅龍蝦汁，整體係幾出色！
煙三文魚菠蘿千島醬薄餅
$148
14 views
0 likes
0 comments
煙三文魚菠蘿千島醬薄餅($148)，🍕本身對Pizza無乜期望，點知出品令人非常滿意，有驚喜！首先不得不提就係煙三文魚嘅量極多🐟，一啲都唔孤寒。每塊薄餅上都鋪咗一大片煙三文魚，而且中間位置仲砌咗一大朵玫瑰花🌹，色香味俱全。薄餅不如想像中的薄，反而帶點厚度，食落有口感。🧀芝士夠熱，不乏拉絲效果，重奶香；食到中尾段更會食到菠蘿粒🍍，甜甜的，有清新味蕾嘅作用。
意大利青瓜夏威夷碗
$138
22 views
1 likes
0 comments
意大利青瓜夏威夷碗($138)，🍣夏威夷魚生碗Poke Bowl係近期嘅大熱菜式，呢度都有得食，而且係改良版，因為個底係用上意大利青瓜絲作麵條，以取代飯，減少汲取碳水化合物。餸料好繃紛，包括有八爪魚粒🐙、呑拿魚蓉、牛油果粒、玉子粒、菠蘿以及蕃茄仔，而醬汁就應該係日式豉油。成碗食落感覺幾得意，🥒青瓜絲好爽，每條都好長身，我唯一認為可改善嘅地方，就係呑拿魚蓉應轉成呑拿魚刺身粒，口感更佳。
Love, Rosie
$58
4 views
0 likes
0 comments
總括嚟講，餐廳除咗比人好休閒嘅感覺之外，亦能煮出高水準嘅美食😋。今日食嘅幾道菜式均係用上真材實料，即使係常見款式，但呢度嘅出品確係與眾不同，味道富有自家特式。因此，我絕對會再次回訪啊！～
Post
