仙跡岩 (Closed)

仙跡岩都算係兒時回憶，因為記得好細個就已經有呢間餐廳嘅存在不過大人通常鍾意食中菜，所以細個都未有機會見到呢間餐廳諗住冇機會試到，點知我朋友話，原來新蒲崗仲有間食物水準唔錯嘅仙跡岩呢度主打台灣菜， 所以我哋都想揀番啲台灣出名嘅食物，例如滷肉飯、牛肉麵、炸雞扒等飲品好多種類，仲可以揀杯裝同重量級size仲有埋甜品 如果叫套餐都幾抵食，仲有得揀珍珠奶茶招牌小兵哥牛肉麵呢個麵湯底幾濃，分量算多麵質唔太淋，啲肉亦都唔會好韌，幾好味台式滷肉飯配豬頸肉呢個飯嘅份量好多，肉燥有少少甜甜地，撈飯好好味啲豬頸肉件件都好大塊，仲要起碼有四、五件左右，非常抵食鹽酥炸雞扒呢個雞扒又係好好食，因為啲粉唔會太厚，但係食落脆卜卜而且雞扒嘅調味適中，唔會太鹹，我幾鍾意呢個口味夢幻雪香（重量級）呢個係士多啤梨味嘅飲品，加咗啲脆片幾好味不過份量都幾大，下次如果叫得多嘢食，就可能會揀返普通裝呢度整體都幾舒服，由其係啲店員個個都好親切，見佢哋同啲熟客都有傾有講就算職員有時比較忙，我哋問佢嘢佢都會好有耐性答我哋