餃掂手工餃子雲吞專門店

📍餃掂手工餃子雲吞專門店 (中環)中環威靈頓街55號地下-----好耐無食餃子🥟，最近生活不如意事情甚多，令我諗起「吃餃子，過好日子」這句話，哈哈，然後就來了這家我最愛的餃子店吃晚餐。龍鳳松茸餃配狀元九鼎湯，一直都是我必叫的餃子組合，一黑一白的黑白松露餃子，香港好少地方有，就算有，好多都會以菇菌代替，真材實料的地方實在不多。而這裡就反其道而行，好像松露不用錢似的，每粒餃子都落好多松露，教人如何不愛。秋冬季節，自家製山楂雪梨水也是推薦大家叫的飲品之一，裡面加入了山楂片同雪梨等煲製，清潤解渴，秋冬感覺特別適合。彈牙有致的四川涼麵，今日天氣有啲凍，本來諗住唔食，點知見到隔離枱個人食到津津有味，都係忍唔住叫咗，果然味道依然，麻醬同麻辣汁互相交融底下，令到味蕾充滿刺激，每次食都冇失望。另外一個次次黎都必叫嘅，就係粟米豬肉餃，之所以咁鍾意佢哋嘅粟米豬肉餃，係因為佢哋用嘅係新鮮粟米，而且小小嘅一粒水餃入面，目測起碼有8至10粒粟米，非常足料。