Katsumoto Sando Bar (Closed)

細細間專賣食日式三文治嘅小店，如果唔係荷李活道有指示牌嘅話我估都幾難搵到。無論店內或店外都富有日本神社⛩️特色，有啲食客特登喺門前打吓卡先進入餐廳。▫️Chilean Sea Bass (HKD238)▫️Classic Sando (HKD148)▫️Chicken Karrage (HKD138) ▫️Holy Cannoli (HKD60)餐牌上選擇唔多，我發覺迷你日式三文治, 日式三文治同埋小食類別都有炸雞呢樣嘢🤪 Classic Sando 有來自北海道嘅豬扒、娃娃菜。麵包有烘過，不過就比娃娃菜上嘅沙律整到塊麵包腍咗少少🙃Chilean Sea Bass 我哋就覺得味道麻麻地喇，麵豉落重手咗，因而令到嗰幾件鱸魚味道幾鹹🙈整體嚟講水準OK，性價比唔算高。除咗日式三文治呢間店仲有售賣好多酒精飲品，我覺得呢間店比較適合同朋友嚟飲酒吹水多啲。