COBALT

Open Now

Now Closed

頗久之前已經聽聞過呢度嘅西餐好出色兼充滿創意，最impressed嘅係每道main仲有相屬嘅Wine Pairing，於是趁住放假一試! 另外，老闆仲會好用心嘅推薦酒櫃內嘅收藏品🍷啱晒愛酒之人😎餐廳嘅格調好舒服，同朋友傾足全晚都好自在。老闆好好傾，仲會好熱心介紹signature嘅菜式👍🏻🔅Chironfils 法國生蠔口感好creamy而且鮮甜，一啲腥味都冇，平時麻麻地生蠔嘅我，都覺得可以再encore🌟🔅香檳法國鵝肝配香檳啫喱第一眼見到呢道菜嘅時候被其創意驚艷，因為從來都冇諗過白糖糕同鵝肝可以係一個組合😲鵝肝嫩滑且唔油膩，外層覆有白糖糕，鹹甜鹹甜又出乎意料地夾👍🏻口感仲好軟綿綿入口即溶☁️ 另外用香檳啫喱作為點綴😲係好有驚喜嘅組合🔅慢煮加拿大豬斧頭扒配蘋果陳皮茸豬斧頭扒慢煮到外層微焦，入面仲保持住肉汁，口感既嫩滑又多汁。配上蘋果陳皮茸，酸酸甜甜帶點陳皮嘅香，食落去好開胃👍🏻 btw個薯仔仲切成風琴片🤩appreciate厲害的刀功🔅心太軟個心太軟焗得啱啱好一次就係流心🤩而且唔會死甜。好欣賞配左開心果雪糕，出色😎