Video
Read full review
2023-05-16
330 views
看上去不太起眼的小店，卻帶給我無限驚喜💞位於九龍城嘅《北斗》，主打廚師發辦，午市及晚市分別有「北」和「斗」兩款套餐。今晚同老公要左兩個「斗」套餐，包括有先付-前菜-清湯-刺身-串揚-燒物-食事-甜品。所有食材都非常新鮮，原來大部份都係店主親自由大阪中央魚市場拎貨返黎🙌🏻✨白蝦刺身配上馬份海膽 - 白蝦晶瑩通透，好清甜，口感柔軟。馬糞海膽非常濃郁幼滑。海膽愛好者實在難以抗拒☺️✨鯛魚白子 - 入口清爽口感綿滑，配上清新柚子汁，完全唔腥。✨慕蓉大蜆清湯 - 以茶壺似嘅器皿裝住，賣相好優雅，倒出黎慢慢品嚐。應該係我食過最大隻蜆肉😳超級肥美。湯亦好清甜。✨北寄貝刺身 - 清爽鮮甜✨火炙黑鯥魚 - 平日比較少食。火炙後油脂香味更突出，加上微微焦香，但唔覺膩。配上日本生蒜，非常誘人☺️✨深海池魚 - 肉質細嫩，油香濃，配上日本薑蓉同日本一味葱令鮮味更突出。✨吞拿魚蛇腹 - 吞拿魚魚下腹嘅一側，魚肉油脂極豐富，入口極香滑。以炙燒形式處理，更加全迫出油香，建議一啖放哂入口，更加滋味🤤✨宮城蠔 - 清甜爽口，配以柚子酸汁啫喱更清新，食完仲有少少回甘。✨京都特產千両茄子 - 茄子皮上𠝹上細紋，蘸滿薄薄麵包糠
位於九龍城嘅《北斗》，主打廚師發辦，午市及晚市分別有「北」和「斗」兩款套餐。今晚同老公要左兩個「斗」套餐，包括有先付-前菜-清湯-刺身-串揚-燒物-食事-甜品。
所有食材都非常新鮮，原來大部份都係店主親自由大阪中央魚市場拎貨返黎🙌🏻
✨白蝦刺身配上馬份海膽 - 白蝦晶瑩通透，好清甜，口感柔軟。馬糞海膽非常濃郁幼滑。海膽愛好者實在難以抗拒☺️
✨鯛魚白子 - 入口清爽口感綿滑，配上清新柚子汁，完全唔腥。
✨慕蓉大蜆清湯 - 以茶壺似嘅器皿裝住，賣相好優雅，倒出黎慢慢品嚐。應該係我食過最大隻蜆肉😳超級肥美。湯亦好清甜。
✨北寄貝刺身 - 清爽鮮甜
✨火炙黑鯥魚 - 平日比較少食。火炙後油脂香味更突出，加上微微焦香，但唔覺膩。配上日本生蒜，非常誘人☺️
✨深海池魚 - 肉質細嫩，油香濃，配上日本薑蓉同日本一味葱令鮮味更突出。
✨吞拿魚蛇腹 - 吞拿魚魚下腹嘅一側，魚肉油脂極豐富，入口極香滑。以炙燒形式處理，更加全迫出油香，建議一啖放哂入口，更加滋味🤤
✨宮城蠔 - 清甜爽口，配以柚子酸汁啫喱更清新，食完仲有少少回甘。
✨京都特產千両茄子 - 茄子皮上𠝹上細紋，蘸滿薄薄麵包糠再炸，酥脆非常，茄子仲要非常多汁（真係小心熱🤣）
✨沙錐魚 - 沙錐味道鮮味、唔腥、又無乜骨。裡面加入紫蘇葉同加拿大海膽，多左一份甘香🥰
✨日本魷魚配松葉蟹蟹肉蟹膏 - 魷魚肉質非常爽脆彈牙，中間包住鮮香味十足嘅蟹膏蟹肉，整體外爽內軟。
✨北海道洋蔥 - 第一次食酥炸洋蔥。呢款洋蔥比一般食到嘅更甜、更香、更辣，而且仲好多汁。
✨北海道活帆立貝 - 帆立貝非常厚身，味道好鮮甜，只需加少少海鹽提味已經足夠。
✨近江和牛 - 近江牛係日本三大和牛之一。油脂豐富柔軟，做成鐵板似嘅效果，味道更香濃，幾乎入口即溶☺️
✨明太子茶漬飯 -
茶漬飯味道偏清香帶有芝麻香，配搭濃味明太子剛剛好。
✨靜江縣蜜瓜 - 向來有高品質保證嘅靜江縣蜜瓜，清甜、多汁、厚肉，真係無得輸💗
Post
