釜山商會

雖然我仲有幾日就去釜山，不過我都想係香港試一試香港版釜山食物先，咁到時去到就有得對比下嘛。呢間餐廳新開係韓國街，面積都幾大，入到去播曬k pop，店員係韓國人，係我對面又坐左成檯韓國人，我都真係有一刻覺得自己去左韓國 🤣。現做辣炒年糕（$228）呢鍋野有d似部隊鍋，有年糕、韓式魚蛋、腸仔、半個公仔麵，重點就係中間嘅韓式辣醬，成鍋野味道嘅靈魂，店員會幫手煮，唔洗驚自己手殘煮得唔好。釜山豬肉湯麵（$95）、釜山豬肉湯飯（$97）呢兩款係佢地招牌食物，所以一次過就試曬兩款！白色湯底煲到奶一樣，飲落好香濃，我覺得豬肉湯飯個湯比湯麵更加出色，入面加左唔少韭菜，多左一重韭菜香，豬肉用上五花腩，食落唔肥又保留到五花腩嘅香，果然係招牌菜。📍釜山商會 (尖沙咀)尖沙咀金巴利道79-81號金栢閣地下A-C號舖。