Video
Read full review
2022-08-04
41 views
呢個峇里島渡假主題嘅6-Course Tasting Menu係fusion左法國菜同埋意大利菜嘅fine dining，再加左啲東南亞嘅元素，好特別。餐廳仲印左有顧客姓名嘅登記證、行程表同地圖，仲有掛頸嘅花環，好有心思，目的就係想為顧客締造一個愉快嘅「旅遊」體驗。麵包：兩款手工麵包都好香意大利麵包香脆啲。法國麵包就軟身啲，口感似蛋糕。Amuse Bouche: Ceviche開胃小菜：酸橘汁醃魚Tuna同柚子甘橘醬&檸檬皮係perfect match，好清新、好開胃。1st Course: Tomato Confit with Burrata 番茄醬配布拉塔芝士口感軟綿嘅Burrata喺意大利菜經常都會出現，呢個Burrata再配埋蕃茄醬、自家製嘅意大利青醬、黑醋，味道好豐富，加埋啲脆脆，口感仲好有層次。2nd Course: Love Crab 我愛螃蟹超濃郁嘅蟹湯，好似飲緊蟹嘅精華咁，加埋中間嘅牛油果肉，味道balance得好好，恰到好處。3rd Course: Seared Scallops with Green Namjin Sauce 煎扇貝配綠色南津醬 （add $198
呢個峇里島渡假主題嘅6-Course Tasting Menu係fusion左法國菜同埋意大利菜嘅fine dining，再加左啲東南亞嘅元素，好特別。餐廳仲印左有顧客姓名嘅登記證、行程表同地圖，仲有掛頸嘅花環，好有心思，目的就係想為顧客締造一個愉快嘅「旅遊」體驗。麵包：兩款手工麵包都好香
意大利麵包香脆啲。
法國麵包就軟身啲，口感似蛋糕。
Amuse Bouche: Ceviche
開胃小菜：酸橘汁醃魚
Tuna同柚子甘橘醬&檸檬皮係perfect match，好清新、好開胃。
1st Course: Tomato Confit with Burrata
番茄醬配布拉塔芝士
口感軟綿嘅Burrata喺意大利菜經常都會出現，呢個Burrata再配埋蕃茄醬、自家製嘅意大利青醬、黑醋，味道好豐富，加埋啲脆脆，口感仲好有層次。
2nd Course: Love Crab 我愛螃蟹
超濃郁嘅蟹湯，好似飲緊蟹嘅精華咁，加埋中間嘅牛油果肉，味道balance得好好，恰到好處。
3rd Course: Seared Scallops with Green Namjin Sauce 煎扇貝配綠色南津醬 （add $198)
煎香左嘅帶子配埋南津醬，鮮甜惹味。
4th Course: Duck Risotto 鴨意大利燴飯
油封鴨腿係來自法國南部嘅料理，慢煮48小時再煎香，鴨皮酥脆，鴨肉嫩滑，配埋越南醬地道醬汁Nuoc Cham，係有東南亞風味嘅法式油封鴨腿。Risotto係冇加芝士同忌廉，但口感都Creamy。
5th Course: Coconut Shell Smoked Scotch Fillet 椰殼熏肉眼
見住廚師喺open kitchen用火槍喺椰子殼上面烤，已經流哂口水。
肉眼肉質嫩滑，帶有煙熏味，薯蓉幼滑帶椰子香。6th Course: Banana Roti 香蕉薄餅
嚟到最後一個Course都有驚喜，廚師會表現拉薄餅，薄餅會喺佢個頭度打轉。薄餅皮薄餡靚，配埋雜莓foam同雲呢拿雪糕，好滿足。
🌟配埋佢哋嘅Wine Pairing更完美🍷(add $380)🍴Bali Holiday Tasting Menu $780 p.p. (No Service Charge)
Post
