Video
Read full review
2023-05-26
256 views
✨看~~星光這夜仍燦爛，然而沒有你，總是冷~~🎶感恩外子經常帶我去尋覓好正嘅隱世餐廳！🥂🤤今晚外子就帶咗我嚟銅鑼灣嘅意法🇮🇹🇲🇫餐廳，感受浪漫醉人嘅意大利法國料理啦！呢度好容易搵架咋，就喺時代廣場對面嘅霎西街街頭，必發商業大廈二樓全層。入到去，燈光昏暗，屋頂懸掛嗰盞水晶燈散發出獨有嘅迷人光芒，已經感受到好有情調。餐廳內部裝潢簡約而舒適，讓人感到細膩而富有品味。餐廳負責人殷勤地招待賓客，為我哋遞上餐牌。Set Menu內前菜、湯品、Entree和主菜等都可以二選一。我哋梗係兩款都點了，因為可以「開心些牙」丫嘛！落單後，負責人走埋嚟問我哋想唔想試吓是晚嘅精選生蠔作「頭頭盤」？我哋興致勃勃，難得嚟到咁高級嘅餐廳，梗係要品嚐一下啦！等咗一陣，兩款是晚精選生蠔🦪送上。負責人介紹呢兩款都係從法國空運抵港。左邊那款係＂Krystale＂而右邊係＂Ancelin＂。負責人對蠔嘅品種非常有研究，佢教我哋先品嚐＂Krystale＂，海水味較重，帶子位非常爽甜。之後飲啖清水，清清味蕾再品嚐＂Ancelin＂。呢款味道較為溫和，同樣帶子位都係極之爽甜，真係人間美味呢！品嚐完生蠔之後，麵包盤就送上了。麵包係自家
感恩外子經常帶我去尋覓好正嘅隱世餐廳！🥂🤤
今晚外子就帶咗我嚟銅鑼灣嘅意法🇮🇹🇲🇫餐廳，感受浪漫醉人嘅意大利法國料理啦！呢度好容易搵架咋，就喺時代廣場對面嘅霎西街街頭，必發商業大廈二樓全層。入到去，燈光昏暗，屋頂懸掛嗰盞水晶燈散發出獨有嘅迷人光芒，已經感受到好有情調。餐廳內部裝潢簡約而舒適，讓人感到細膩而富有品味。
餐廳負責人殷勤地招待賓客，為我哋遞上餐牌。Set Menu內前菜、湯品、Entree和主菜等都可以二選一。我哋梗係兩款都點了，因為可以「開心些牙」丫嘛！落單後，負責人走埋嚟問我哋想唔想試吓是晚嘅精選生蠔作「頭頭盤」？我哋興致勃勃，難得嚟到咁高級嘅餐廳，梗係要品嚐一下啦！等咗一陣，兩款是晚精選生蠔🦪送上。負責人介紹呢兩款都係從法國空運抵港。左邊那款係＂Krystale＂而右邊係＂Ancelin＂。負責人對蠔嘅品種非常有研究，佢教我哋先品嚐＂Krystale＂，海水味較重，帶子位非常爽甜。之後飲啖清水，清清味蕾再品嚐＂Ancelin＂。呢款味道較為溫和，同樣帶子位都係極之爽甜，真係人間美味呢！
品嚐完生蠔之後，麵包盤就送上了。麵包係自家製，共有三款口味，搭配兩款醬，剩餘嘅一個容器係俾賓客用嚟裝橄欖油和黑醋。枱面上已備有一瓶橄欖油和黑醋可供需要自行調配。三款麵包都好脆口，點埋啲醬一齊食，真係好好味喎！
跟住就送上前菜喇～
💜西班牙紅蝦他他💜
呢款前菜好清新，上面嗰層嘅柚子啫喱同下面嘅紅蝦配搭得天衣無縫，擺盤好精緻，真係好唔捨得食。但無奈太肚餓，所以俾我哋極速KO咗！
❤️意式焗釀蕃茄❤️番茄經常都會食，但係肉醬釀番茄真係好花廚師嘅功夫。我哋將番茄切開後，滿滿嘅芝士肉醬如溶岩般緩緩流出，同底下嘅咸蛋黃混合在一起，食落嘅味道真係出奇地夾！
極速KO完前菜之後，等咗冇幾耐，有兩款湯品送到！
💛鮮蘆筍蟹肉忌廉湯💛
忌廉湯一向係我最愛的湯，沒有之一。今次仲有蟹肉混合在其中，湯嘅質地好濃稠，啖啖蟹肉。真係超級無敵讚！
💚意大利雜菜湯💚
湯色常清徹，裡面的蔬菜種類亦非常豐富！外子十分鍾意呢款湯品呢！
跟住等咗冇幾耐，又到Entree出場喇～
🤎香煎鵝肝🤎
從未食過咁厚身嘅鵝肝😍！質感好軟滑而且入口即溶，肝味好濃，配埋脆多士一齊食，認真唔夠喉呢！
🧡香脆蝸牛薯蓉球🧡呢份用吉列方式烹調，底下係咖喱汁，薯蓉幼滑，裡面包含住蝸牛肉😱！我第一次食蝸牛肉🐌，原來個味道同法國田螺相類近，咁就唔會太抗拒啦！😅
跟住登場嘅係。。登登登櫈。。。
🩷番石榴雪葩🩷
之前食咗咁多咸味嘅食物，係時候清一清味蕾，俾味覺稍作歇息。估唔到呢個番石榴雪葩，好香番石榴味，食落好舒服好清新，好想再Encore呢～
跟住期待已久嘅頭盤終於送上喇～🩵香煎智利海鱸魚🩵
伴以橄欖、薯蓉、小番茄和蘆筍。魚肉嫰滑細緻，魚皮亦煎得非常香脆，好好味哦～
🤎燴澳洲和牛牛面頰🤎
估唔到牛面豬登咁大舊！牛肉味好濃，而且燴得極腍，入口即溶，以紅酒入饌牛面頰，認真係絕配！
最後就嚟咗✨甜品四重奏✨（馬卡龍、蝴蝶酥、朱古力果仁和白朱古力），配以玫瑰茉莉花茶☕。呷一啖香茶，食一件小餅，滋味十足！
最後嘅最後，到咗真正嘅是日甜品出場啦～💛法式香芒布甸💛
入口香滑，芒果味濃郁。
❤️蘋果脆脆配雲呢嗱雪糕❤️
蘋果蓉帶有玉桂香味，甜度適中，外皮鬆脆，係廚師精心嘅傑作！
E Molto Buono嘅意大利文嘅意思係「非常好」。喺整個用餐過程當中，店員嘅服務亦「非常好」，不時都嚟問吓我哋用餐體驗，又會同啲賓客傾偈交流吓。整體嚟講，意法料理絕對係值得品嚐，相信無論係喜愛意法料理或者係第一次嘗試嘅人，都會喺呢度搵到屬於自己嘅美食體驗呢！
我哋會強烈推介呢度俾搵緊特色餐廳慶祝紀念日嘅朋友。記得先預約哦！同埋呢度係不設開瓶費和切餅費架！
Post
