E Molto Buono (Closed)

有一個鍾意食嘢嘅朋友真係好幸福，因為佢會成日帶我去唔同嘅餐廳，今次呢間餐廳，雖然喺銅鑼灣，不過近橋底附近嘅樓上餐廳，本身對佢冇乜期望，點知原來貌似舊樓，但一打開電梯已經閃閃發光，再入到餐廳，不論環境服務同食物都令我好有驚喜。晚餐每個人價錢九百幾蚊，頭盤我哋每人嗌咗一款，有吞拿魚刺身Tata醬，同埋燒鵪鶉，一上枱見到賣相非常精緻，吞拿魚配上海膽醬，放喺精緻嘅木盒上邊，除咗味道好好，放上網打卡一流。再來一碗蘑菇湯，極度香濃，每一啖都食到蘑菇粹，好香滑，超級好喝。另外燒長腳蟹上面有鹹蛋黃一齊燒，有2個層次味道，好好味！朋友叫嘅鵝肝，雖然我唔食，不過見到賣相好靚，而且煎得好香。然後主菜，我自己點左澳洲和牛面頰，入口即溶嘅感覺真係好正，最鍾意佢配上大量嘅蔬菜，令到就算食完成個主菜，都唔會有好溜嘅感覺。朋友叫咗m9和牛肉眼扒，朋友高度讚賞，佢話如果呢塊扒喺酒店度食，淨係呢塊扒都差唔多一千蚊，所以大家都覺得真係性價比高。最後甜品我點左粟子蓉甜品，唔會太甜，但食到好香嘅栗子味，連粒榛子朱古力都係脆卜卜，超級好味，真係多謝朋友介紹又食到一餐好好味嘅晚餐。

家姐生日諗咗好多地方同佢去邊度食飯慶祝，無意中比我喺網上發現到呢間餐廳，可以食fine dining，但價錢唔算非常貴，慢慢坐足全晚，埋單$2000有找，作為慶祝生日，我覺得可以推介俾大家。餐廳好隱蔽，但裝修好舒服，待應服務態度更加要大讚，dinner set比較其他fine dining餐廳，真係勁多嘢食，前菜除咗有面包，前菜仲有燒鵪鶉，同刺身海膽杯，餐湯有龍蝦湯同磨菇湯，都非常濃厚，好creamy真心好味。主菜上之前都仲有一道菜，長腳蟹同鵝肝都係我最愛，太開心啦。鵝肝好香，蟹腳啖啖肉，每啖都食得出幸福呢🥰 之後用檸檬雪芭清清口腔，終於來到主菜啦。主菜rib eye ，份量好大塊，我叫五成熟，真係剛剛好，好有肉味。和牛面額炆得好淋，味道好濃郁，超級好味。最後來個甜品，餐廳真係非常細心，知道家姐生日特登寫左個happy birthday 字，仲幫我地影即影即有，最後再飲埋杯花茶，真係非常滿足，飽到上心口，最緊要家姐都好滿意，生日快樂呀。

今日去咗一間fine dining 餐廳，試咗佢哋嘅Deluxe Tasting Menu $928。餐單入面嘅菜式精緻有心思。首先，日本鰤魚他他配上海膽布丁同青瓜脆片。鰤魚新鮮嫩滑，配上海膽布丁嘅濃郁口感，再加上脆脆嘅青瓜片，味道鮮美又豐富。之後嘅法式龍蝦湯，湯底濃郁而且滑口有龍蝦鮮味。接著係香煎鵝肝配紅酒燴紅蔥頭。鵝肝煎得恰到好處，外脆內軟，搭配紅酒燴紅蔥頭，帶出鵝肝嘅豐富風味，味道醇厚。中間有果味雪葩，真係適合用嚟清爽口腔。果味清甜，口感冰涼，令人感到舒爽。然後，嚐到澳洲M9和牛肉眼扒，充滿牛香。甜品之前就有玫瑰花茶，喝落香氣濃郁，清香怡人。最後，Petit Four令我印象深刻。佢哋有馬卡龍、朱古力和蝴蝶酥，每一款都精緻可口，完美嘅結尾。另外，甜品方面有朱古力慕斯，濃郁嘅朱古力味道令人回味無窮。

這間隱世樓上法國菜餐廳，主打高質fine dining，選用新鮮高質食材。餐廳環境舒適，充滿浪漫氣氛，好適合慶祝、情侶拍拖、朋友談心等👍🏻 點餐後，店員便奉上暖暖的🍞自家麵包，分別有香草麵包、酸種麵包、芝士脆脆，三款都好好味，還配有店家自家醬更添美味。最近餐廳還有折扣優惠，以現金結帳可享85 折，信用卡可享9折。.🍽️Deluxe Tasting Menu $928.🔸STARTERS▪️日本鰤魚他他，海膽布丁配青瓜脆片賣相精美，日本鰤魚他他🐟肉質結實，味道鮮美，配上海膽布丁鮮味十足，還有青瓜脆片，口感富層次。.🔸SOUP▪️香濃雜菌忌廉湯口感creamy，而且味道濃郁，用料十足，飲到粒粒🍄雜菌蓉。.🔸ENTREE▪️香煎鵝肝配紅酒燴紅蔥頭鵝肝厚切，口感細膩，富濃厚油香，配上紅酒燴紅蔥頭，和香脆多士，剛好中和了油膩感。.🔸Sorbet▪️荔枝雪葩餐點貼心準備了🍦雪葩，可以中和一下口腔，來品嚐下一道美食。.🔸MAINS▪️澳州M9和牛肉眼扒肉眼扒🥩份量十足，用上澳州M9和牛，肉質嫩滑富肉汁，而且牛味香濃。伴碟還有新鮮蔬菜，十分健康。.🔸DESSERT▪️Dessert of the day▪️Petit

前日同朋友去咗銅鑼灣食 E Molto Buono，餐廳環境優雅，食物都一流，而且非常近地鐵站。餐廳提供$928的set，總共有五道courses。首先，餐廳會送上一個麵包小藍子，裏面分別有香草麵包和芝士片，兩款保溫得非常好，再再配上自家製的辣肉腸南瓜醬或香草茄子醬，味道更加昇華。STARTER日本鰤魚他他，海膽布丁配青瓜脆片鰤魚味道鮮甜，配上底下濃郁嘅海膽布丁及表面上的魚子，味道上十分豐富。青瓜脆片十分爽口，令口感更加豐富。SOUP香濃雜菌忌廉湯忌廉味很濃郁，而且散發菇的香氣，每一啖都係充滿蘑菇，好足料。ENTREE香煎鵝肝配紅酒燴紅蔥頭鵝肝表面煎得很香脆，而且非常肥美，充滿油香，入口即化。配上脆脆的多士，再加上甜甜的紅酒汁解掉鵝肝油膩感，味道配搭一流。紅蔥頭吸收了紅酒汁的味道，酸酸甜甜很解膩。果味雪葩餐廳在MAIN前提供雪葩，讓客人清新一下口腔的味道。荔枝味雪葩味道好清新，又做到令口腔清新的感覺。MAIN澳洲M9和牛肉眼扒肉眼扒我哋揀咗三成熟，切開後顏色很粉嫩，熟度剛剛好。肉眼扒牛味濃郁，有淡淡的香味，而且充滿肉汁，非常Juicy，亦可以沾上旁邊的玫瑰鹽，令到味道更加昇華。旁邊亦有

如果唔係朋友介紹，真係唔知銅鑼灣原來有一間，咁正既隱世樓上意大利法國私房菜餐廳，「E Molto Buono 」位於霎西街一棟商業大廈二樓，裝潢環境甚有法式風味，而且設有小露台可以一邊欣賞銅鑼灣嘅美景，最推薦都係佢哋嘅食物，特別係「Deluxe testing Menu」食材高質又抵食，非常適合二人世界或者三五知己聚餐😋🌟Deluxe testing Menu $ 928🍞▪️首先會附上自家製的三款麵包、香草麵包、酸種包和芝士脆脆，配上辣肉腸香草醬、香草茄子醬、黑醋橄欖油，醬料美味又特別🦆▪️香煎法國鵪鶉配鴨肝脆雲吞、蕃茄咖喱泡沫，鵪鶉煎得香口，雖然細細隻但係啖啖肉而且好濃肉味，配上面層的蕃茄咖喱泡沫，味道就如名字一樣，入口立即化開，好得意，香脆雲吞皮包住切碎咗嘅煎鴨肝，味道濃香，配合蘋果合桃沙律，酸甜爽脆可以中和油膩感🦞▪️法式龍蝦湯用矜貴的法國藍龍蝦熬製成的湯膽，取其鮮味的膏黃和蝦油，熬出的湯，顏色紅亮香味濃郁，而且仲有幾件新鮮爽口又彈牙的龍蝦肉，非常出色🦀▪️黄金焗帝王蟹腳黃金是用鹹蛋黃炒香麵包糠，再鋪上帝王蟹腳再焗，面層焗得非常香脆味道鹹香，蟹腳肉仍能保持多汁鮮味，好美味🍨▪️荔枝果味雪

今日同男朋友一齊嚟到銅鑼灣食fine dining，餐廳就係time square付附近，好容易搵。餐廳位置唔大，專做幾枱客，食物少量咁預備同烹調，特別新鮮同高質，大家嚟記得book位！餐廳氣氛浪漫，燈飾昏暗，枱面更設有蠟燭，好有格調，適合情侶約會。餐廳只有一個Set，$928一位。首先，嚟嘅係一籃香草麵包同芝士片。麵包烤得表面香脆、內裏保持面保濕潤而鬆軟嘅質感。香草麵包同普通餐包比更香口。另外，配有餐廳自家製嘅南瓜奶油醬、香草茄子醬，當然仲有醋同橄欖油。STARTER香煎法國鵪鶉配鴨肝脆雲吞法國鵪鶉size較細，所以肉質食落特別幼嫩，鵪鶉外皮好薄，煎到好香脆，鵪鶉肉好話好juicy，帶點油香。另外再有脆雲吞，雲吞好脆，食落好重菇菌味。底下廚師擺放左青蘋果沙律，食落好fresh，可解膩。SOUP法式龍蝦湯龍蝦湯好香好濃郁，飲落好有厚度，龍蝦味好鮮甜好突出，裏面仲要唔少龍蝦肉，彈牙又美味。ENTREE黃金焗帝王蟹腳黃金焗蟹腳係指用上左鹹蛋黃，焗帝王蟹腳表面好脆，好似有啲面包糠咁。帝王蟹腳啖啖肉，好鮮甜，有海水味。以鹹蛋黃作調味好特別，更多一層香味。果味雪葩下一道菜係荔枝味雪芭，店員解釋係

Deluxe Tasting MenuSTARTERS✨香煎法國鵪鶉配鴨肝脆雲吞法國鵪鶉 皮帶微脆 肉質結實 肉味濃鴨肝脆雲吞 外層炸到脆卜卜 內餡飽滿 菌香濃郁 帶淡淡鴨肝香SOUP✨法式龍蝦湯龍蝦湯香濃鮮味 質感較薄 龍蝦肉爽彈ENTREE✨黃金焗帝王蟹腳帝王蟹腳表面加左鹹蛋黃 焗得酥脆蟹肉厚實鮮甜 加埋鹹蛋黃嘅鹹香 好邪惡Sorbet✨果味雪葩檸檬雪葩 質感幼密 味道酸甜 清新MAINS✨澳洲M9和牛肉眼扒肉眼扒點左medium rare 熟度剛好 肉質鮮嫩 口感軟腍 有肉汁 調味適中配菜有幾款蔬菜同幼滑紫薯蓉DESSERT✨Dessert of the day是日甜品 揀左栗子奶凍 面層有粒粒又粉又香嘅栗子粒栗子蓉香甜厚滑 奶凍滑溜重奶香呢個栗子迷一定會鍾意✨Petit Four✨Bellini用香檳作基底 配搭桃味利口酒等調製味道帶淡淡桃香 柚味突出 幾清爽總結：賣相吸引 食物可以環境地方唔大 但都坐得舒適服務唔錯 價錢可以 可以一試

介紹返💁🏻‍♀️。。🇫🇷 Fine Dining 在銅鑼灣 🇫🇷。E Molto Buono。必發商業大廈2樓。Deluxe Tasting Menu STARTER香煎法國鵪鶉配鴨肝脆雲吞Pan Fried French Quail & Deep Fried Duck Liver Wonton with Apple Walnut Salad & Tomato Curry Foam或 or日本鰤魚他他。海膽布丁配青瓜脆片Hamachi Tartare with Caviar。Sea Urchin Budding with Crispy CucumberSOUP法式龍蝦湯 Lobster Bisque或 or香濃雜菌忌廉湯 Fresh Mushroom Cream SoupENTREE黃金焗帝王蟹腳Baked Salty Egg Yolk Alaskan Kings Crab Legs或 or香煎鵝肝配紅酒燴紅蔥頭Pan Fried Foie Gras with glazed shallot果味雪葩 SorbetMAINS智利海鱸魚黑松露鮮蝦慕絲卷Black truffle Shrimp

平時好少出Post..就算出都係發洩居多🤭不過今次係想讚吓間餐廳..銅鑼灣樓上鋪小店Fine Dining..價錢屬於中高不過食材新鮮而且廚師手藝高水準所以成件事係合理嘅..個人最鍾意嘅係佢哋嘅海膽布甸配鰤魚他他..海膽布甸嘅海膽味好出色好鮮甜而質地係非常之順滑嘅布甸..成件事Woa到我..同面頭嘅鰤魚他他同埋三文魚籽一齊放入口簡直係畫龍點睛..另外仲有鹹蛋黃蟹腳都係一絕..鹹蛋黃炸過薄薄一層唔會覺得油膩但係味道好濃郁..最估唔到係同鮮甜嘅蟹腳係咁合襯嘅..然後其他菜式全部都係高水準演繹..另外一個重點係serve我哋嘅侍應妹妹非常之有heart..除咗帶微笑咁樣同我哋詳細介紹每一個dishes之外仲有細心留意我哋食嘢嘅進度..雖每一個項目食完直至另一個上枱中間都有少少空間俾我哋飲啖Cocktail傾兩句偈..成件事係非常之休閒非常之法國餐..講多無謂比相大家睇🤭

好耐冇食過fine dining喇‼️呢間餐廳嘅形式係好似私房菜咁，唔係好大位置得八個左右，但一啲都唔迫，全部客人入座之後就會鎖門🚪私隱度其實都幾高🤔成個用餐過程都好滿意，服務同埋食物質素一啲都唔輸大餐廳品牌，菜式嘅presentation 好有心機 👍🏻一到到店員已經奉上餐包籃，餐包係墨魚汁包、香草包同埋芝士脆片。而除咗橄欖油同埋黑醋之外，另外兩款醬都係自家製，分別係辣肉腸南瓜醬同埋香草茄子醬Starter 香煎法國鵪鶉配鴨肝捲雲吞鵪鶉有兩隻，啖啖肉又多汁，而雲吞就係外皮脆口，入面係鴨肝蓉，上面仲一個泡沫🫧仔，係咖喱蕃茄味個匙羹上面係有一小撮青蘋果合桃沙律🥗 比客人中和返個油膩感日本鰤魚他他。海膽布丁配青瓜脆片另一個前菜係由日本鰤魚同海膽奶凍兩層組成嘅他他，呢個組合都幾特別同埋個presentation好精緻好適合打卡📸 Soup法式龍蝦湯香濃雜菌忌廉湯兩款湯都好濃郁啊，龍蝦湯食到幾粒蝦肉🦐 雜菌忌廉湯就好潔好creamyEntree黃金焗帝王蟹腳係由鹹蛋黃醬去焗，個蟹腳好入味香煎鵝肝配紅酒燴紅蔥頭🍷鵝肝煎得啱啱好，又夠厚切，同多士一齊食嘅話一啖咬落去口腔既充滿油香，又食到多士嘅酥脆🥰

呢一間隱藏喺鬧市中嘅意法西餐私房菜好值得推介👍🏻餐廳嘅環境充滿著浪漫情調🕯️特別適合小情侶撐枱腳慶祝重要日子嘅好地方👫亦設有小陽台，可以一路欣賞住銅鑼灣嘅夜景🌃一路享受著高質美食🍽️🍷一頓飯儀式感滿滿的。Deluxe tasting menu 📋共5項course / $928位！呢個價位食到咁多樣野，既精緻性價比極高又好吃的fine dining😋～-🦪生蠔/ $279 見到原來有生蠔！order咗3隻Krystale 同埋3隻Gillardeau～啲蠔都好新鮮大隻👍🏻 -🥖自家製麵包籃 / 配香草茄子醬 & 辣肉腸南瓜醬～麵包好新鮮熱辣辣🍞但我都係最鍾意配黑醋油食😋1️⃣Starters-🐟日本鰤魚他他·海膽布丁配青瓜脆片 /鹹香的布丁食法非常之開胃～-🍗香煎法國鵪鶉配鴨肝脆雲吞 & 青蘋果合桃沙律 /蕃茄泡沫配上脆雲吞，很開胃的特別菜式～2️⃣Soup-🦞法式龍蝦湯 / 超香濃龍蝦的鹹香鮮味～-🍄香濃雜菌忌廉湯 / 超濃郁creamy帶有蘑菇顆粒3️⃣Entree-🦆香煎鵝肝配紅酒燴紅蔥頭 / 鵝肝超厚切！黑醋香氣的紅蔥頭一齊食可以解膩，這個配搭剛剛好～-🦀黃金焗帝王蟹腳 / 有超香的鹹蛋黃味非

📍「E Molto Bunno」- 銅鑼灣今次食食食之旅黎到銅鑼灣😌👧🏻成日左search 右search 搵好野食，今次搵到間鬧市中有情調嘅fine dining 餐廳，享受美食同時，又可以enjoy 浪漫氣氛🥂🌹💕📷餐廳位於鵝頸橋附近，裝潢以⚫️為主，展現出浪漫有情調嘅氣氛，每張餐枱都有小蠟燭🕯️而且餐廳私隱度幾高，配上抒情嘅輕音樂，岩哂同另一半嚟👩‍❤️‍👨🌹Staff 嘅服務態度都好好，會介紹每道菜式❤️成餐飯大約食咗兩個半至三個鐘🤗🍽Deluxe Tasting Menu 💰HK$928/head✨推薦指數：9.5/10🍴餐前麵包🔸一共俾咗3️⃣款餐包，分別係墨魚包、香草包同芝士脆片😇🖤墨魚包烘得超脆，可以切返大塊少少保留外脆內軟嘅口感😗💚香草包外脆內軟熟，香草味好香，呢個出色啲🤤🧡芝士脆片口感好脆，好重芝士味☺️醬料方面配上兩種自家製嘅醬，分別係辣肉腸南瓜醬同香草茄子醬，又或者配olive oil 同黑醋，想講呢度嘅自家醬勁impressive‼️‼️‼️首先兩隻醬都勁香，未食已經聞到😍🎃辣肉腸南瓜醬嘅南瓜味好出，口感幼滑，食食下會出辣肉腸香味，呢個係👧🏻嘅最愛🤩🫶🍆香草茄子醬嘅香草味同茄子味

位於銅鑼灣 晚餐人均$928的Fine Dining🥰菜式有心思 服務一流 環境浪漫性價比非常高🤤🤤尤其喜歡佢地既日本鰤魚他他配海膽布甸味道配搭得好好 感覺非常清新擺盤亦都非常靚 作為starter係一個非常好嘅點綴❤️第二印象深刻係慢煮寶雲酥澳洲羊架本身唔好羊肉 好怕羶味既我覺得呢個羊架處理得非常好😍生熟程度啱啱好 羶味程度亦係接受到🤤其他菜式 甜品等等都係水準之上👍🏻用餐當晚見到其他人都係過嚟慶祝生日 或者周年紀念 🥰🥰成個環境好浪漫好溫馨😋侍應亦好用心介紹菜式真係非常值得推薦🫶🏻✨日本鰤魚他他 海膽布甸配青瓜脆片✨香煎法國鵪鶉配鴨肝脆雲吞✨法式龍蝦湯/雜菌忌廉湯✨黃金焗帝王蟹腳✨香煎鵝肝配紅酒燴紅蔥頭✨番石榴雪芭✨慢煮寶雲酥澳洲羊架✨智利海鱸魚黑松露鮮蝦慕絲卷✨栗子/朱古力慕絲✨ Petite Four

❗️E Molto Buono (銅鑼灣)❗️早排同朋友去咗銅鑼灣食Fine Dining 朋友介紹呢間餐廳 晚餐人均$928Fine Dining黎講性價比非常高Starter 必選日本鰤魚他他配海膽布甸味道好夾 而且好Fresh👍🏻Mains黎講我同朋友都唔食牛肉所以分別選擇咗羊架同海鱸魚羊架煮得啱啱好 唔會太過熟海鱸魚肉質都非常好👍🏻👍🏻甜品都非常出色而且服務非常好 整體嚟講值得再去👍🏻👍🏻👍🏻♦️日本鰤魚他他 海膽布甸配青瓜脆片♦️香煎法國鵪鶉配鴨肝脆雲吞♦️法式龍蝦湯♦️雜菌忌廉湯♦️黃金焗帝王蟹腳♦️香煎鵝肝配紅酒燴紅蔥頭♦️番石榴雪芭♦️慢煮寶雲酥澳洲羊架♦️智利海鱸魚黑松露鮮蝦慕絲卷♦️栗子/朱古力慕絲♦️Petite Four🏠:銅鑼灣霎西街28號必發商業大廈2樓